- Advertisement -
سنڌ جي مختلف شهرن ۾ روڊ حادثن جي نتيجي ۾ نينگر سميت 5 ڄڻا فوت ٿي ويا آهن.
ڪرمپور ويجهو روڊ حادثي جي نتيجي ۾ نينگر فوت ٿي ويو آهي.
ڳوٺ ارباب خان بجاراڻي ۾ ٽن ورهين جو محمد سميع بجاراڻي راند ڪندي ٽريڪٽر ھيٺان اچي فوت ٿي ويو.
هالاڻي ويجهو روڊ حادثي جي نتيجي ۾ هڪ ڄڻو فوت ٿي ويو آهي.
قومي شاهراهه تي ڪوچ جو ٽڪر لڳڻ سبب ڳوٺ ڪريم داد لاشاري واسي نعيم احمد لاشاري ٿڏي تي ئي فوت ٿي ويو.
اطلاع ملڻ بعد پوليس ڪوچ کي تحويل ۾ وٺي جاچ شروع ڪري ڇڏي.
هڱورجا ڀرسان روڊ حادثي جي نتيجي ۾ هڪ ڄڻو فوت ٿي ويو آهي.
گڏيجي ويجهو قومي شاهراهه تي ڪار ۽ موٽرسائيڪل ۾ ٽڪر ٿي پيو.
حادثي جي نتيجي ۾ نسيم سولنگي ٿڏي تي ئي فوت ٿي ويو.
اطلاع ملڻ بعد پوليس حادثي واري هنڌ پهچي لاش تحويل ۾ وٺي اسپتال پهچايو، جتان ضروري ڪارروائي بعد مڙهه وارثن حوالي ڪيو ويو.
شهدادپور ويجهو روڊ حادثي جي نتيجي ۾ هڪ ڄڻو فوت ٿي ويو آهي.
ڏيٿا چوڪ وٽ ڳوٺ عالم خان بالادي واسي ريڙهي هلائيندڙ پورهيت ابراهيم بالادي مٿان ٽرڪ چڙهي وئي.
حادثي جي نتيجي ۾ پورهيت ٿڏي تي ئي فوت ٿي ويو، سندس لاش سمس اسپتال پهچايو ويو.
پوليس ٽرڪ کي تحويل ۾ وٺي جاچ شروع ڪري ڇڏي.
نوري آباد ويجهو روڊ حادثي جي نتيجي ۾ هڪ ڄڻو فوت ٿي ويو آهي.
موٽر وي تي ڪار ۽ ٽرالر جي ٽڪر ۾ سڳيون واسي صدام حسين ٿڏي تي ئي فوت ٿي ويو.
حادثي بعد امدادي ٽيمن حادثي واري هنڌ پهچي لاش اسپتال پهچايو………
- Advertisement -
