سنڌ جي مختلف شهرن ۾ ڪوهيڙي ۾ واڌ ٿي وئي آهي، نظر جي حد گهٽجي وئي

سنڌ جي مختلف شهرن ۾ ڪوهيڙي ۾ واڌ ٿي وئي آهي، نظر جي حد گهٽجي وئي، ڪراچي ايئرپورٽ تي ڪيتريون ئي اڏامون ۽ ٽريفڪ رواني متاثر رهي. سنڌ جي راڄڌاني ڪراچي جي مختلف علائقن، ايئرپورٽ، ملير، زراق آباد، گلشن حديد ۽ ٻين علائقن ۾ ڪوهيڙي سبب نظر جي حد گهٽجي وئي. ڪوهيڙي سبب ڏيهي ۽ پرڏيهي اڏامون متاثر ٿيون ۽ ٽريفڪ جي رواني متاثر رهي. ٺٽي ۽ ڀرپاسي وارن علائقن ۾ ڪوهيڙي سبب نظر جي حد گهٽجي وئي. مٽياري ۽ ڀرپاسي وارن علائقن ۾ ڪوهيڙي سبب نظر جي حد گهٽجڻ کانپوءِ موٽروي پوليس پاران فوگ لائيٽون لڳائڻ جي هدايت ڪئي وئي. گهاري ۽ ڀرپاسي وارن علائقن ۾ ڪوهيڙي سبب ٿڌ ۾ واڌ ٿي وئي آهي. اڏيرو لال ۽ ڀرپاسي وارن علائقن ۾ ڪوهيڙي سبب ٽريفڪ جي رواني متاثر رهي. ٽنڊي باگي ۽ ڀرپاسي وارن علائقن ۾ ڪوهيڙي سبب ماڻهو گهرن تائين محدود ٿي ويا. موٽر وي پوليس طرفان ڪوهيڙي ۾ گاڏين جون فوگ لائيٽون استعمال ڪرڻ ۽ غير ضروري سفر کان پاسو ڪرڻ جون هدايتون جاري ڪيون ويون آهن جيئن روڊ حادثن کان بچي سگهجي…….