شھدادڪوٽ مان برسات جو پاڻي نيڪال نه ٿيڻ خلاف شهرين پاران ميونسپل انتظاميا خلاف احتجاج

شھدادڪوٽ مان برسات جو پاڻي نيڪال نه ٿيڻ خلاف شهرين پاران ميونسپل انتظاميا خلاف احتجاجي مظاهرا ڪيا ويا. مستوئي ۽ ڊرٻ پاڙي  جي رهواسين، الهداد خشڪ، اختيار جمالي، احمد نواز بروهي، سڪندر سومرو ۽ ٻين جي اڳواڻي ۾ ڪوٽو موٽو چوڪ تي ڌرڻو هڻي روڊ بلاڪ ڪري ڇڏيو. ان موقعي اڳواڻن چيو ته هڪ هفتو گذرڻ باوجود انتظاميا شهر مان برساتي پاڻي نيڪال نه ڪيو آهي. مظاهرين چيو ته گندو پاڻي نيڪال نه ٿيڻ سبب شهري عذاب واري زندگي گذارڻ تي مجبور آهن . هنن اعليٰ اختيارين کان مطالبو ڪيوته معاملي جو نوٽيس وٺي شهر مان پاڻي نيڪال ڪرائي شهرين ۾ ڇائنيل بيچيني ختم ڪئي وڃي.