قومي اسيمبليءَ ۾ سپريم ڪورٽ جي ججن جو انگ وڌائڻ وارو بل پيش ڪيو ويو

قومي اسيمبليءَ ۾ سپريم ڪورٽ جي ججن جو انگ وڌائڻ وارو بل پيش ڪيو ويو آهي. قومي اسيملبيءَ جو اجلاس اسپيڪر سردار اياز صادق جي صدارت هيٺ ٿيو، جنهن ۾ ن ليگ جي دانيال چوڌريءَ سپريم ڪورٽ جي ججن جو انگ 23 ڪرڻ جو بل پيش ڪيو، جنهن جي مخالف ڌر جي اڳواڻ بئريسٽر گوهر  مخالفت ڪئي. بئريسٽر گوهر چيو ته آئين تحت اهڙي ترميم رڳو حڪومت ئي آڻي سگهي ٿي، پرائيويٽ ميمبر بل ۾ سپريم ڪورٽ جي ججن جي انگ تي قانونسازي نٿي ٿي  سگهي. هن چيو ته پاڪستان ۾ سپريم ڪورٽ سال ۾ 155 ڏينهن ڪم ڪري ٿي، ڀارت ۾ سپريم ڪورٽ 190 ڏينهن ڪم ڪندي آهي، کين ڪيس اڪلائڻ لاءِ ڪم جا ڏينهن وڌائڻا پوندا. اجلاس دوران نور عالم خان سپريم ڪورٽ ۽ هائيڪورٽ جي ججن ۽ بيوروڪريٽس جي ٻٽي شهريت تي پابندي بابت آئيني بل پيش ڪيو، جنهن کي لاڳاپيل ڪميٽيءَ ڏانهن اماڻي ڇڏيو. قانون واري وزير، اعظم نذير تارڙ ٻڌايو ته اسٽبلشمينٽ ڊويزن بل جي مخالف ڪرڻ جي هدايت ڪئي آهي، فوج ۽ پارليامنيٽ ۾ ٻٽي شهرين ناهي.