محرابپور ۾ ڪاٽن فيڪٽري ۾ ڪم ڪرڻ دوران بجلي جو ڪرنٽ لڳڻ سبب پورهيت فوت

محرابپور ۾ ڪاٽن فيڪٽري ۾ ڪم ڪرڻ دوران بجلي جو ڪرنٽ لڳڻ سبب پورهيت فوت ٿي ويو.

ڳوٺ سيد خدا بخش شاھه جو رهواسي سيد طارق شاھ پٽ سيد جمن شاھه ڪاٽن فيڪٽري ۾ ڪم ڪرڻ دوران بجلي جو ڪرنٽ لڳو سبب بيهوش ٿي ويو،  جنهن کي فوري طور تي اسپتال منتقل ڪيو ويو جتي هو فوت ٿي ويو، لاش ضروري ڪارروائي بعد وارثن حوالي ڪيو ويو.

وارثن جو چوڻ آهي ته فوتي نوجوان ٽن ٻارڙن جو والد هيو، جيڪو پورهيو ڪري پنهنجي ٻارڙن جو پيٽ گذر ڪندو هو.

نوجوان جو لاش گهر پهچڻ تي سندس گهر ۾ ڪهرام مچي ويو.