ملڪ ۾ مهانگائيءَ جي شرح ۾ ٻيهر اضافو شروع  ٿي ويو

ملڪ ۾ مهانگائيءَ جي شرح ۾ مسلسل ڏيڍ مهينو گهٽتائي بعد ٻيهر اضافو شروع  ٿي ويو آهي. شماريات کاتي طرفان جاري ڪيل رپورٽ موجب هلندڙ هفتي چوڏهن شين جا اگهه وڌيا، ٿوم 4 ڏهائي ٻڙي سيڪڙو، ڳاڙها مرچ 5 ڏهائي 73 سيڪڙو، اٽي جو اگهه هڪ ڏهائي 89 سيڪڙو، ايل پي جي 5 ڏهائي 40 سيڪڙو، آڻا 6 ڏهائي 14 سيڪڙو، باسمتي ٽوٽا چانور ٻڙي ڏهائي 51 سيڪڙو مهانگا ٿيا. رپورٽ موجب ٽماٽا 11 ڏهائي 25 سيڪڙو، بصر 3 ڏهائي 62 سيڪڙو، داليون 2 سيڪڙو، پٽاٽا هڪ ڏهائي 23 سيڪڙو، سگريٽ  ۽ ڏهي هڪ ڏهائي 17 سيڪڙو مهانگا ٿيا. شماريات کاتي جي رپورٽ موجب سالياني بنياد تي 17 هزار 732 رپيا ماهوار آمدنيءَ واري طبقي لاءِ مهانگائي 14 ڏهائي 68 سيڪڙو وڌي، 22 هزار 888 رپيا ماهوار آمدنيءَ وارن لاءِ 18 ڏهائي 36 سيڪڙو ۽ 29 هزار 517 رپيا ماهور ڪمائيندڙ طبقي لاءِ مهانگائي جي شرح  ۾24 ڏهائي 67 سيڪڙو اضافو ٿيو. رپورٽ موجب 44 هزار 175 رپيا ماهوار ڪمائيندڙ طبقي لاءِ مهاگائي 22 ڏهائي 15 سيڪڙو رهي، جڏهن ته ان کان وڌيڪ آمدنيءَ واري قطبي لاءِ مهانگائي جي شرح 19 ڏهائي 24 سيڪڙو رهي.