- Advertisement -
رٿا بندي واري وفاقي وزير احسن اقبال چيو آهي ته ملڪ ۾ نون ڊيمن جي تعمير وقت جي اهم ضرورت آهي، لاڳاپيل ادارن ۽ صوبن کان تجويزون طلب ڪيون ويون آهن.
ڪراچي ۾ وفاقي وزير احسن اقبال جي صدارت ۾ نيشنل واٽر سڪيورٽي بابت جوڙيل ٽاسڪ فورس جو پهريون اجلاس ٿيو.
وفاقي وزير احسن اقبال پاڻي جي پاليسين کي عملي منصوبن ۾ تبديل ڪرڻ لاءِ ٽيڪنيڪل ورڪشاپ گهرائڻ جي هدايت ڪري ڇڏي.
اجلاس کي خطاب ڪندي وفاقي وزير احسن اقبال چيو ته ماحولياتي تبديلي سان گليشيئرز پگهرڻ ۾ خطرناڪ حد تائين واڌ ٿي آهي، 1960ع کان هن وقت تائين گليشيئرز جي 23 سيڪڙو برف پگهري ضايع ٿي وئي آهي.
سندس چوڻ هو ته ماحولياتي تبديلي سبب پاڪستان کي پاڻي جي سخت ۽ ڊگهي بحران کي منهن ڏيڻ جو خدشو آهي.
وفاقي وزير جو چوڻ هو ته ڀارت طرفان سنڌ طاس معاهدي جي معطلي خطي جي امن ۽ پاڪستان جي آبي حقن لاءِ وڏو خطرو آهي.
احسن اقبال جو چوڻ هو ته ڀارت جي آبي جارحيت جو مقصد پاڪستان کي پاڻي بحران ۾ مبتلا ڪرڻ آهي.
هن جو چوڻ هو ته درياهن جي وهڪري ۾ وڌندڙ غيريقيني صورتحال پاڪستان جي لاءِ وڏو خطرو آهي، پاڻي جو تحفظ ئي فوڊ سڪيورٽي ۽ معاشي استحڪام جي ضمانت آهي.
سندس چوڻ هو ته وفاق ۽ صوبن وچ ۾ نيشنل واٽر پاليسي تي رضامندي کي هر صورت ۾ مضبوط بڻايو وڃي.
وفاقي وزير جو چوڻ هو ته واٽر سڪيورٽي رڳو هڪ شعبو نه بلڪ ملڪي بقا ۽ خودمختياري جو بنياد آهي.
احسن اقبال جو چوڻ هو ته ٽاسڪ فورس کي رڳو مسئلن جي نشاندهي نه ڪرڻ گهرجي بلڪ فوري حل به پيش ڪرڻ گهرجي.
- Advertisement -
