مورو ويجهو ٻن ڌرين ۾ زمين جي مالڪي تان ٿيل جهيڙي ۾ زخمي ٿيل نوجوان سور نه سهندي فوت

مورو ويجهو ٻن ڌرين ۾ زمين جي مالڪي تان ٿيل جهيڙي ۾ زخمي ٿيل نوجوان سور نه سهندي فوت ٿي ويو آهي. ڳوٺ مٺو خان ٽوٽو ۾ ڏيڍ ايڪڙ زرعي زمين جي مالڪي تان ٿيل جهيڙي ۾ ڪهاڙيون ۽ گوليون لڳڻ سبب زخمي ٿيل نوجوان وڪيل ٽوٽو زخمن جا سور نه سهندي فوت ٿي ويو آهي. فوت ٿي ويل نوجوان جي چاچي الهورايو ٽوٽو جو چوڻ هو ته هنن سان وڏو ظلم ٿيو آهي، فيصلا ڪرڻ باوجود جوابدارن هڪ ڏينهن اڳ ٻاهريان ماڻهو وٺي نوجوان مٿان حملو ڪيو. سندس چوڻ هو ته جوابدارن جي حملي سبب نوجوان وڪيل ٽُوٽو زخمي ٿي پيو جنهن کي اسپتال منتقل ڪيو ويو هو جيڪو اڄ زخمن جا سور نه سهندي فوت ٿي ويو آهي. هن وس وارن کان اپيل ڪئي ته معاملي جو نوٽيس وٺي جوابدارن خلاف ڪيس داخل ڪري انصاف فراهم ڪيو وڃي.