ميرپورساڪرو: پراسرار طور گم ٿي ويل نوجوان نور الدين رند جي اغوا جي تصديق

ميرپورساڪرو ويجهو يوسي ڪڪڙاند جي ڳوٺ محمد اسماعيل رند واسي پراسرار طور گم ٿي ويل نوجوان نورالدين رند جي اغوا جي تصديق ٿي وئي آهي. جوابدارن نوجوان کي تشدد جو نشانو بڻائي سندس غير اخلاقي وڊيو وائرل ڪري ڇڏي آهي. وارثن جو چوڻ هو ته گذريل ٻن ڏينهن کان سندن نوجوان گم آهي، نينگر کي تشدد جو نشانو بڻائي سندس وڊيو وائرل ڪئي وئي آهي. سندن چوڻ هو ته هنن جي ڪنهن سان به دشمني نه آهيميرپورساڪرو ٿاڻي تي رپورٽ پڻ داخل ڪرائي آهي. وارثن جو چوڻ هو ته سندن نوجوان کي بااثرن اغوا ڪيو آهي، رپورٽ داخل هئڻ باوجود پوليس ڪابه اڳڀرائي ناهي ڪئي، نوجوان کي فوري طور بازياب ڪرايو وڃي.