- Advertisement -
وفاقي بجيٽ جي منظوري سان ئي عالمي مالياتي فنڊ هڪ دفعو ٻيهر ڊو مور جو مطالبو ڪري ڇڏيو.
ناڻي واري وزارت جي ذريعن موجب آءِ ايم ايف 10 جولاءِ کان اڳ بجلي ۽ گئس جي اگهن ۾ اضافي جي خواهشمند آهي ۽ عالمي مالياتي فنڊ طرفان مطالبو ڪيو ويو ته پهرين جولاءِ کان اڳواٽ قدمن تحت اگهن ۾ اضافي تي عمل ڪيو وڃي.
آءِ ايم ايف مطالبو ڪيو آهي ته بجلي مهانگي ڪرڻ لاءِ نيپرا جي فيصلي تي فوري طور عمل ڪيو وڃي، نئين مالي سال ۾ گئس جا اگهه وڌائي سبسڊي ڪنٽرول ڪئي وڃي ۽ نئين قرض پروگرام لاءِ آءِ ايم ايف جي اڳواٽ شرطن تي عمل ڪيو وڃي.
ذريعن موجب آءِ ايم ايف جو وفد جولاءِ جي ٻئي هفتي ۾ پاڪستان اچڻ جو امڪان آهي.
آءِ ايم ايف بجيٽ ۾ سخت معاشي فيصلن جي واکاڻ ڪئي آهي ۽ مشڪل معاشي فيصلن کي معيشيت لاءِ ضروري قرار ڏنو آهي.
آءِ ايم ايف وفاقي بجيٽ ۾ ٽيڪس ڇوٽ ۽ رعايتون ختم ڪرڻ جي فيصلي جي واکاڻ ڪئي آهي…………- Advertisement -
