ون ڊي سيريز جي شيڊيول ۾ تبديليءَ کانپوءِ ٽي ملڪي ٽورنامينٽ جي شيڊيول ۾ به ڦير ڦار

پاڪستان ڪرڪيٽ بورڊ سريلنڪا سان ون ڊي سيريز جي ٻن ميچن جي شيڊيول ۾ تبديليءَ کانپوءِ ٽه ملڪي ٽورنامينٽ جي شيڊيول ۾ به ڦير ڦار ڪري ڇڏي. پاڪستان ڪرڪيٽ بورڊ موجب، ٽه ملڪي سيريز جا سمورا ميچ هاڻي راولپنڊي ۾ 18 کان 29 نومبر تائين ٿيندا. ٽه ملڪي ٽورنامينيٽ ۾ پاڪستان، سريلنڪا ۽زمبابوي جون ٽيمون شرڪت ڪنديون، ان کان اڳ اهي ميچون 17 کان 29 نومبر تائين راولپنڊي ۽ لاهور ۾ ٿيڻيون هيون. پي سي بي موجب، شيڊيول ۾ تبديليءَ جو فيصلو بورڊن جي صلاح مشوري سان آپريشنل سببن جي بنياد تي ڪيو ويو. ياد رهي ته ان کان اڳ پي سي بي سريلنڪا سان باقي ٻن ون ڊي ميچن جو شيڊيول به تبديل ڪيو ويو هو. پي سي بي چيئرمين محسن نقوي سوشل ميڊيا تي بيان جاري ڪندي ٻڌايو هو ته پاڪستان ۽ سريلنڪا وچ ۾ سيريز جون باقي ون ڊي ميچز 14 ۽ 14 نومبر تي کيڏيون وينديون……..