وڏي وزير مراد علي شاهه طرفان ڪراچي جي عوام کي ڊبل ڊيڪر بس سروس شروع ٿيڻ تي واڌايون

وڏي وزير مراد علي شاهه طرفان ڪراچي جي عوام کي نئين ڊبل ڊيڪر بس سروس جي شروعات تي مبارڪ ڏني وئي آهي. وڏي وزير مراد علي شاهه چيو آهي ته ڪراچي جو عوام بهتر سفري سهولتن جو حقدار آهي. وڏي وزير مراد علي شاهه جو چوڻ آهي ته ڪراچي ۾ جديد بس سروس جو آغاز عوام لاءِ سٺو سنوڻ آهي. سندس چوڻ هو ته نئين بس سروس ڪراچي جي شهرين جي سفر کي آسان بڻائيندي. وڏي وزير مراد علي شاهه جو چوڻ هو ته اڄ بس هلي آهي، سڀاڻي شهر تبديل ٿيندو، ڪراچي لاءِ بهتر سفر صرف واعدو نه عملي حقيقت بڻجي رهيو آهي. مراد علي شاهه جو چوڻ هو ته شهري سهولتون هجن ته شهر مضبوط ٿيندا آهن. هن جو چوڻ هو ته جديد ٽرانسپورٽ شهري وقار ۽ آسان زندگي جي علامت آهي. سندس چوڻ هو ته ڪراچي کي جديد شهرن جي صف ۾ بيهاريندا.