يوڪرين جي صدر ولادمير زيلنسڪي اوول آفيس ۾ منهن ماري تي ٽرمپ کان معافي گھري آهي : اسٽيووٽڪوف

امريڪا جي صدر ڊونلڊ ٽرمپ جي خاص ايلچي اسٽيووٽڪوف دعوى ڪئي آهي يوڪرين جي صدر ولادمير زيلنسڪي اوول آفيس ۾ منهن ماري تي ٽرمپ کان معافي گھري آهي. امريڪي صدر ٽرمپ جي خاص ايلچي اسٽيووٽڪوف چيو ته يوڪرين جي صدر زيلنسڪي صدر ٽرمپ کي خط لکي اوول آفيس واقعي تي معافي گھري آهي. رپورٽ موجب، صدر زيلنڪسي طرفان ٽرمپ جي نالي تي مبينا ان خط کانپوءِ امريڪا جو خاص نمائندو اسٽيووٽڪوف ماسڪو جو دورو ڪندو جتي هو روس جي صدر پيوٽن سان ملاقات ڪندو. امريڪي ميڊيا جو چوڻ آهي ته صدر ٽرمپ جي نمائندي جي دوري جي تاريخ جو اعلان اڃان ناهي ڪيو ويو. واضع رهي ته وائٽ هائوس ۾ٿيل واقعي بعد امريڪي نمائندگان جي اسپيڪر مائيڪ جانسن چيو هو ته زيلنڪسي کي هوش ۾ اچڻو پوندو، هو ٿورا مڃيندي ڳالهين جي ٽيبل تي نه آيو ته يوڪرين جي قيادت وڃي ڪير ٻيو ڪري.