ٽرمپ جي غزه تي قبضي جي بيان کانپوءِ سڄي دنيا مان سخت ردعمل کانپوءِ امريڪا جي ضاحت سامهون اچي وئي

امريڪي صدر ڊونلڊ ٽرمپ جي غزه تي قبضي جي بيان کانپوءِ سڄي دنيا مان سخت ردعمل کانپوءِ امريڪا جي ضاحت سامهون اچي وئي. امريڪي پرڏيهي وزير مارڪو روبيو جو چوڻ آهي ته ٽرمپ غزه جي نئي سر اڏاوت جي ذميواري وٺڻ جي آڇ ڪئي آهي، جڏهن ته غزه جي نئين سر تعمير ٿيندي ته اتان جي ماڻهن کي ڪنهن ٻئي هنڌ وڃ رهڻ جي ضرورت پيش ايندي. هن چيو ته غزه تي ٽرمپ جي ڪيل آڇ جي تفصيل تي اڃان ڪم ٿيڻو آهي، صدر ٽرمپ جي آڇ منفرد آهي ان تي سوچڻ گھرجي، غزا بابت ڊونلڊ ٽرمپ آڇ ڪو دشمن قدم قدم ناهي ٻئي پاسي وائٽ هائوس جي ترجمان چيو آهي ته آمريڪي صدر جو غزا ۾ آمريڪي فوج موڪلڻ جو ڪو ارادو ناهي، ٽرمپ فلسطينين جي عارضي منتقلي چاهي ٿو. امريڪي صدر جي پريس سڪريٽري ڪيرولين ليويٽ موجب، ٽرمپ جي وچ اوڀر بابت تازي تبصري جو مطلب اتي فوج موڪلڻ ناهي. ڪيرولين ليويٽ چيو ته ٽرمپ خطي ۾ امريڪي ڀائيوارن سان ڊيل ڪندو جنهن سان تڪرار ختم ٿيندو. هن وڌيڪ چيو ته صدر خطي ۾ استحڪام لاءِ غزه جي نئين سر تعمير ۾ امريڪا جي شموليت ضروري سمجهي ٿو، ان جو مطلب اهو ناهي ته غزه ۾ فوجي مقرر ڪئي وڃي ۽ نه ئي ان جو مطلب اهو آهي ته امريڪي ٽيڪس ڏيندڙ ان منصوبي جيم اعلي معاونت ڪندا.