آمريڪا جي پاڪستان ۾ تحريڪ انصاف جي ريلي تي حملي جي مذمت

امريڪي پرڏيهي کاتي جي ترجمان مـَيٿوِ مـِلر چيو آهي ته پاڪستانين کي بنا ڪنهن خوف جي پنهنجو ليڊر چونڊڻ جو حق حاصل آهي، هو دهشتگردي جي خاتمي لاءِ پاڪستان سان گڏجي ڪم ڪرڻ لاءِ تيار آهن. واشنگٽن ۾ پريس بريفنگ دوران هن پي ٽي آءِ جي ريلي تي حملي جي مذمت ڪندي متاثر سان همدردي جو اظهار ڪيو. مـَيٿوِ مـِلر چيو ته پاڪستان ۾ گذريل ٻين سياسي جماعتن تي به حملا ٿيا، اليڪشن ڪميشن جو عملو به ڪيترن ئي هنڌن تي زد ۾ آيو. هن چيو ته امريڪا چونڊ عمل کي نقصان پهچائڻ واري ڪنهن به عمل جي مذمت ڪندو. مـَيٿوِ مـِلر جو چوڻ هو ته هو پاڪستان ۾ صاف ۽ شفاف چونڊ عمل ڏسڻ چاهين ٿا. امريڪي ترجمان وڌيڪ چيو ته هو دهشتگردي جي خاتمي لاءِ پاڪستان سان گڏجي ڪم ڪرڻ لاءِ تيار آهن ۽ دهشتگردي جي خاتمي لاءِ پاڪستان جي ڪوششن جي حمايت ڪن ٿا.