پاڪستان ڪرڪيٽ بورڊ جو ٻه ٽيمون وڪرو ڪرڻ لاءِ نيلامي جو عمل اڄ اسلام آباد جي ڪنوينشن سينٽر ۾ ٿيندو

پاڪستان ڪرڪيٽ بورڊ جو ٻه ٽيمون وڪرو ڪرڻ لاءِ نيلامي جو عمل اڄ اسلام آباد جي ڪنوينشن سينٽر ۾ ٿيندو. پي سي بي ترجمان جو چوڻ آهي ته پي ايس ايل ليگ کي 6 بدران 8 ٽيمن تائين وڌايو پيو وڃي. پي سي بي مطابق ٻن نئين فرنچائيز لاءِ واڪ جو فني جائزو مڪمل ٿي ويو آهي، ڪامياب پارٽيون راولپنڊي، حيدرآباد، فيصل آباد، گلگت، مظفرآباد ۽ سيالڪوٽ مان نالو چونڊ ڪري سگهن ٿيون. پي ايس ايل جي سي اي او سلمان نصير هڪ بيان ۾ چيو آهي ته مقامي ۽ پرڏيهي سيڙپڪارن جي ڀرپور دلچسپي سٺو سنئوڻ آهي. پي سي بي اختيارين جو چوڻ آهي ته پي ايس ايل جي واڌ جو فيصلو ليگ جي وڌندڙ مقبوليت، مالي استحڪام ۽ عالمي سطح تي وڌندڙ اعتماد کي نظر ۾ رکندي ڪيو ويو آهي. پي سي بي اختيارين موجب نئين ٽيمن جي مالڪن کي 10 سالن لاءِ مالڪي جا حق ڏنا ويندا. جنهن کي ليگ جي مستقبل لاءِ اهم قدم تصور ڪيو پيو وڃي. ..