پيراڻي حويلي ۾ تڙپي فوت ٿيل نينگري فاطمه جي سئوٽ جا انڪشاف

راڻيپور جي پيراڻي حويلي ۾ ترپي ترپي فوت ٿيل معصوم نينگري فاطما ڦرڙو جي سئوٽِ اُجالا انڪشاف ڪيو آهي ته اسد شاهه جي گهرواري مٿس تشدد ڪندي هئي.

ميڊيا سان ڳالهائيندي فاطمه ڦرڙو جي سئوٽ اجالا چيو ته هن به اڍائي سال اسد شاهه جي حويلي ۾ ڪم ڪيو، جتي کانئن پوچي ٻهارو ۽ زور ڏياريا ويندا هئا.

هن چيو ته بيبي ٽي ٽي ڪلاڪ زور ڏياريندي هئي پر ننڊ ڦٽڻ تي کين مار ڏيندا ۽ ٻين کان مار ڏياريندي به هئي، گهٽا به ڏيندي هئي.

فاطمه جي سئوٽ چيو ته مٽن مائٽن سان  ملاقات به نه ڪرائي ويندي هئي، هڪ ڏينهن کيس بيبي مار ڏني  ۽ مٿان بليچ پائونڊر هاريو، جنهن ڪري سڄي رات هو سمهي نه سگهي، پوءِ هوءَ صبح ٿيندي ئي حويلي مان ڀڄي آئي.

اجالا ڦرڙو چيو ته بيبي سمورن ملازمن  تي تشدد ڪندي هئي، هن پيرن کي تشدد جا نشان به ڏيکاريا پر ڪنهن به يقين نه ڪيو…..