پ پ ايم اين اي جي گهر مان ڌاڙي ۾ ڏوهارين جو وڏو ٽولو ملوث آهي: گهرو وزير

سنڌ جي گهرو ضياءَ الحسن لنجار چيو آهي ته پ پ ايم اين اي ذوالفقار بهڻ جي گهر مان ڌاڙي ۾ ڏوهارين جو وڏو ملوث آهي، ايم اين اي جي گهر مان ڌاڙو شرم ۽ افسوس جوڳي ڳالهه آهي، اغوا جا واقعا گهٽ ٿي ويا آهن، منشيات خلاف ڪارروائي ڪئي پئي وڃي. ڪنڊياري ۾ وڪيلن جي آجياڻي کي خطاب ڪندي صوبائي گهرو وزير ضياءُ الحسن لنجار چيو ته آزاد ڪشمير جو وزيراعظم مڪمل طور ناڪام ٿي چڪو آهي، جلد آزاد ڪشمير اسيمبليءَ جا ميمبر پنهنجن ووٽن سان نئون وزيراعظم جي چونڊ ڪندا. هن چيو ته نوشھري فيروز ۽ موري تعلقن تان چونڊيل پ پ جي قومي اسيمبليءَ جي ميمبر ذوالفقار علي بهن جي گهر تي ٿيل واردات ۾ ملوث ڏوهارين کي جلد گرفتار ڪيو ويندو. سندس چوڻ هو ته ماضي جي ڀيٽ ۾ سنڌ ۾ امن امان جي صورتحال بهتر ٿي آهي خاص طور تي سنڌ مان اغوا جا واقعا ختم ٿي چڪا آهن. ضياءَ الحسن لنجار چيو ته سنڌ حڪومت ڏوهن ۽ منشيات جي خاتمي ۽ شهرين جي تحفظ لاءِ مؤثر قدم کڻي رهي آهي. هن چيو ته ڪراچي پوليس جي حراست ۾ فوت ٿيل نوجوان جي معاملي تي جوڊيشل انڪوائري مقرر ڪئي وئي آهي ته جيئن انصاف يقيني بڻجي سگهي. نوشهري فيروز ۾ ڊسٽرڪٽ بار سيڪريٽري شوڪت ٻوهيو پاران لا ڪاليج ۾ صوبائي گهرو وزير ضياءَ الحسن لنجار جي مان ۾ آجياڻو ڏنو ويو. آجياڻي ۾ سوين وڪيلن شرڪت ڪئي ۽ سنڌ بار جي اليڪشن ۾ حمايت جو اعلان ڪيو. ان موقعي تي ميڊيا سان ڳالهائيندي ضياءَ الحسن لنجار چيو ته پ پ ايم اين اي ذوالفقار بهڻ جي گهر مان ڌاڙي ۾ ڏوهارين جو وڏو ملوث آهي، ايم اين اي جي گهر مان ڌاڙو شرم ۽ افسوس جوڳي ڳالهه آهي. سندس چوڻ هو ته اغوا جا واقعا گهٽ ٿي ويا آهن، منشيات خلاف ڪارروائي ڪئي پئي وڃي. صوبائي گهرو وزير چيو ته سياسي ڀائيچارو هئڻ گهرجي پر ڏوهارين کي بخش نه ڪيو ويندو، نوشهري فيروز جي ماڻهن کي خبر آهي ته مخالفن اقتدار دوران غريب ماڻهن سان ڪهڙو رويو اختيار ڪيو.