ڀارتي ميڊيا موجب، رڳو رياست ھما چل پرديش ۾ ڪجھھ ڏينھن جي دوران مختلف حادثن ۽ واقعن ۾ 71ڄڻا فوت ٿي ويا آھن ۽ 13 ڄڻا گم آھن جن جي ڳولا جاري آھي.
ھماچل پرديش جي ايمرجنسي آپريشن سينٽر موجب 24 جون کان شروع ٿيندڙ مون سون سيزن ۾ ھن وقت تائين 214 ڄڻا فوت ۽ 38 ڄڻا گم ٿي ويا آھن.
ميڊيا جي رپورٽس موجب خراب موسم سبب ھماچل پرديش ۾ تعليمي اداري 19 آگسٽ تائين بند رھندا، جڏھن تھ رياست پنجاب ۾ شديد برساتن سبب گورداس پور، ھوشيار رپور ۽ روپ نگر ۾ ٻوڏ جھڙي صورتحال آھي.
ڀارتي ميڊيا رپورٽس ۾ ٻڌايو پيو وڇي تھ شديد برساتن بعد بياس ۽ ستلج درياھن ۾ پاڻي جي سطح بلند آھي ۽ ويجھن وارن علائقن مان ماڻھن کي ڪڍڻ جو سلسلو جاري آھي. ٻئي پاسي موسميات کاتي ملڪ جي اوڀر ۽ سينٽرل جي علائقن ۾ اڄ شديد برساتن جي اڳڪٿي ڪئي وئي آھي ۽ چيو پيو وڃي تھ ٻين علائقن ۾ بھ ايندڙ 4 کان 5 ڏينھن تائين برساتن جو امڪان آھي.
