ڪي پي جو وڏو وزير سهيل آفريدي ٻڌائي ته دهشتگردي ۾ افغانستان ملوث نه آهي ته ڪير ملوث آهن؟ : فيصل ڪريم ڪنڊي

ڪي پي جي گورنر فيصل ڪريم ڪنڊي چيو آهي ته ڪي پي جو وڏو وزير سهيل آفريدي ٻڌائي ته دهشتگردي ۾ افغانستان ملوث نه آهي ته ڪير ملوث آهن؟ پشاور ۾ پريس ڪانفرنس ڪندي فيصل ڪريم ڪنڊي ڪي پي جي وڏي وزير سهيل آفريدي کان سوال ڪيو ته ڪي پي جو وڏو وزير ٻڌايو ته دهشتگردي ۾ افغانستان ملوث نه آهي ته ڪير ملوث آهي؟ سندس چوڻ هو ته حڪومت ٻڌائي ته پوليس، ايف سي، فوجي جوانن ۽ ماڻهن کي ڪير شهري ڪري رهيو آهي؟ فيصل ڪريم ڪنڊي جو چوڻ هو ته اهي چاهين ٿا ته فوج نڪري وڃي، آپريشن نه ڪري، ڇا پوليس خالي هٿين وڙهندي؟ ڪي پي جي گورنر جو چوڻ هو ته اهي ڄاڻين ٿا ته وفاقي 100 سيڪڙو حصو ناهي ڏنو، جيڪو ڏنو آهي اهو ڪيڏانهن ويو؟ ضم ٿيل ضلعن ۾ هڪ به ٿاڻو ٺاهيو ويو آهي؟ هن جو چوڻ هو ته ض۾ ٿيل ضلعن جي فنڊ مڪمل نه مليا، جيڪي مليا اهي ڪٿي خرچ ٿيا؟ 13 سالا صوبائي حڪومت جي ڪارڪردگي ٻڙي آهي. سندس چوڻ هو ته صوبي ۾ تيل ۽ گئس جا ذخيرا موجود آهن پر سڪيورٽي پهرين ترجيح هئڻ گهرجي، ڪي پي جي وڏي وزير کي افغانستان جي وڪالت ڪرڻ بدران صوبي تي ڌيان ڏيڻ گهرجي. فيصل ڪريم ڪنڊي جو چوڻ هو ته پاڪ فوج جي قربانين کانپوءِ دنيا پاڪستان جي صلاحيت کي تسليم ڪري رهي آهي، عالمي سطح تي پاڪستان سان ڪاروبار ۾ دلچسپي وڌي رهي آهي. سندس چوڻ هو ته عالمي برادري به تسليم ڪري ٿي ته افغانستان جي ڌرتي دهشتگردي لاءِ استعمال ٿي رهي آهي.