مائڪرو سافٽ جي باني ۽ دنيا جي امير ترين شخصيتن ۾ شمار بل گيٽس چيو آھي ته 12 سالن بعد دنيا ۾ ڪو به ملڪ غريب نه رھندو.
عالمي خابرو اداري موجب ورلڊ اڪنامڪ فورم سان سالياني اجلاس ۾ بل گيٽس جو خط پڙھيو ويو جنھن ۾ ھن چيو تھ امير ملڪن جي اھم منصوبن ۽ ايجادن کي استعمال ڪرڻ سبب 2035ع تائين دنيا ۾ ڪو بھ ملڪ غريب نھ رھندو.
بل گيٽس ان جو سبب ٻڌائيندي چيو تھ گھٽ يا وچولي آمدني وارا ملڪ پنھنجي امير ۽ پاڙيسري ملڪن کان سکندا جنھن ۾ ميڊيڪل جي شعبي ۾ نئين وئڪسين، زراعت ۾ بھتر ٻج سان پيداوار ۽ اھڙي طرح جي ٻين شعبن ۾ بھ جديد تبديلين مان فائندو کڻندي گھٽ آمدني وارا ملڪ نئين سيڙپڪاري کي پنھنجي طرف آڻڻ ۾ ڪامياب ٿي ويندا.
بل گيٽس جو وڌيڪ چوڻ آھي تھ دنيا ھن وقت پھريان کان بھتر حالت ۾ آھي، ھو گھڻو پر اميد آھي ۽ اڳڪٿي ڪري ٿو تھ 2035ع تائين ڪو بھ ملڪ غريب نھ رھندو.
بل گيٽس 2014ع ۾ بھ اھڙي ھڪ دعويٰ ڪئي ھئي تھ 2035ع تائين 70 سيڪڙو کان وڌيڪ ملڪن جي آمدني اڄ جي چين ۽ 90 سيڪڙو آمدني اڄ جي ڀارت کان وڌيڪ ھوندي.
