پرڏيهي وزير بلاول ڀٽو زرادري چيو آهي ته ڪشمير مسئلو ننڍي کنڊ جي ورهاڱي جي اڻپوري ايجنڊا آهي، 75 سالن کان ڪشميرين کي پنهنجي مستقبل بابت فيصلي کان روڪيو پيو وڃي، جي ٽوئنٽي اجلاس جي سربراهيءَ جي حيثيت ۾ ڀارت پنهنجي پوزيشن جو جائز فائدو وٺي رهيو آهي، ڀارت کي سلامتي ڪائونسل جي ٺهرائن تي عمل ڪرڻو پوندو.
آزاد ڪشمير جي قانونساز اسيمبلي کي خطاب ڪندي بلاول ڀٽو زرداري چيو ته والاريل ڪشمير جي عوام کي سندن پيغام آهي ته منصاڻي جدوجهد ۾ هو ساڻن گڏ آهن، هو ڪشمير جي عوام سان ٻڌيءَ جو اظهار ڪن ٿا.
هن چيو ته ڀارت سلامتي ڪائونسل جون کليل ڀڃڪڙيون ڪيون، گڏيل قومن فيصلو ڪيو ته ڪشميري عوام پنهنجي مستقبل جو فيصلو پاڻ ڪندو.
بلاول ڀٽو زرداري چيو ته ڪشمير مسئلو هندستان جي ورهاڱي جي اڻپوري ايجنڊا آهي، 75 سالن کان ڪشميرين کي پنهنجي مستقبل بابت فيصلي کان روڪيو پيو وڃي.
بلاول ڀٽو زرداري چيو ته والاريل ڪشمير ۾ ڀارتي قدم عالمي قانونن خلاف آهن، ڪشمير مسئلو ننڍي کنڊ جي ورهاڱي جي اڻپوري ايجنڊا آهي.
پرڏيهي وزير چيو ته والاريل ڪشمير ۾ 5 آگسٽ وارن ڀارتي قدمن کي هو رد ڪن ٿا
