40 سالن کانپوءِ پهرين ايٿوپين اڏام 110 مسافر سان گڏ ايٿوپيا جا ٽن مملڪتي وزيرن ۽ سفارتڪارن کي کڻي ڪراچي پهچي وئي آهي.
وڏي وزير مراد علي شاهه جناح ٽرمينل تي ايٿوپيا جي مملڪتي وزيرن، سفارتڪارن ۽ صنعتڪارن جي آجيان ڪئي.
ان موقعي تي وڏي وزير سيد مراد علي شاهه جو چوڻ هو ته ايٿوپين ايئر لائنز ڪراچي کي ايٿوپيا ۽ ايٿوپيا کي ڪراچي سان ڳنڍڻ جو وسيلو آهي.
سندس چوڻ هو ته اڏامون شروع ٿيڻ سان سنڌ ۽ ايٿوپيا ۾ سيڙپڪاري، واپار ۽ سياحت کي هٿي ملندي.
وڏي وزير چيو ته وقت اچي ويو آهي ته آفريڪن ملڪن سان واپار، سياحت ۽ لاڳاپا بهتر ڪيا وڃن.
