سنڌ سميت ملڪ ۾ عيدالاضحيٰ تي ٽئين ڏهاڙي به سنت ابراهيمي تحت جانورن جي قرباني جو سلسلو جاري رهيو، جڏهن ته گهرن ۾ مزيدار کاڌا پچائي دسترخوان ساجايا ويا.
عيد جي ٽئين ڏينهن به مختلف شهرن ۾ عوام سنت ابراهيمي جي پيروي ڪندي قرباني جو فرض ادا ڪيو.
قربانيءَ کانپوءِ گهرن ۾ مزيدار کاڌا پچائي دسترخوان سجائڻ جو سلسلو شروع ٿي ويو آهي، جڏهن ته نوجوانن پاران باربي ڪيو پارٽيون ڪيون پيون وڃن.
ڪراچي، لاهور، اسلام آباد، ڪوئيٽا ۽ پشاور سميت ملڪ جي ننڍن وڏن شهرن جي مختلف هنڌن تي قرباني بعد غلاظتن جا ڍير لڳل آهن.
روڊ رستن ۽ گهٽين ۾ غلاظتن سبب بدبو ڦلهجي وئي آهي.
سنڌ سالڊ ويسٽ ميجنمينٽ بورڊ موجب ڪراچي ۾ عيد جي پهرين ڏينهن 8 هزار 933 ٽن غلاظتون کنيون ويون ۽ ٻين علائقن مان به غلاظتون کڻڻ جو ڪم جاري آهي…….
