وڏي وزير جي صلاحڪار نواب وساڻ چيو آھي ته ملڪ کي بچائڻ جي دعوا ڪندڙن ملڪ جو ٻيڙو ٻوڙي ڇڏيو آهي جيڪي دعوائون پي ٽي آئي وارا ڪندا ھئا ھاڻ ان جي ابتڙ ھلي رھيا آھن.
راڻيپور ۾جاويد وساڻ سان سندس والد جي وفات تي تعزيت ڪرڻ ۽ ٽائون ڪميٽي جي وائيس چيئر مين اصغر وساڻ سان سندس ڀاءُ جي وفات تي تعزيت ڪرڻ کان پوءِ ميڊيا سان ڳالهائيندي نواب وساڻ چيو ته سنڌ جو وڏو وزير سيد مراد علي شاهه سنڌ خلاف ٿيندڙ هر سازش جو ھر محاذ تي مقابلو ڪري رھيو آھي.
هن چيو ته سنڌ سان ناانصافي ڪندڙ پي ٽي آئي جا ساٿي سنڌ حڪومت خلاف ڪوڙ ڳالھائي عوام کي گمراھ ڪري رهيا آهن.
سندس چوڻ هو ته سنڌ تي ڌارين جي يلغار سبب ڪو به سنڌ ۾پناه وٺي ٿو سنڌ انھن جو ٺيڪو نه کنيو آهي.
نواب وساڻ چيو ته سنڌ ۾ بلدياتي نظام جو مدو پورو ٿي رھيو آھي پر اليڪشن ٿيندي نظر نه ٿي اچي.
هن چيو ته سنڌ جي بلدياتي نظام کي تباھ ڪيو ويو آهي پيپلزپارٽي ھاڻي انھن کي چونڊيندي جيڪي عوام جا ھمدرد ھجن ۽ عوام جي خدمت صحيح نموني ڪري سگھن.
