وڏي وزير سيد مراد علي شاهه چيو آهي ته تيز برساتن جي صورت ۾ پاڻي جي نيڪالي يقيني بڻائي وڃي، عوام به پوليس ۽ ضلعي انتظاميا جي ڀرپور مدد ڪري، ڪنهن به قسم جي ڪوتاهي برداشت نه ڪئي ويندي.
وڏو وزير سيد مراد علي شاهه، صوبائي وزير ناصر شاهه سان گڏ ميرپورخاص پهتو، جتي ايم پي ذوالفقار شاهه، شرجيل ميمڻ ۽ ٻين سندن آڌرڀاءُ ڪيو.
دوري دوران وڏي وزير سيد مراد علي شاهه جي صدارت هيٺ چونڊيل نمائندن ۽ ڊويزنل انتظاميا جو اجلاس ٿيو.
وڏي وزير جو چوڻ هو ته تيز برساتن جي اڳڪٿي بعد هو ميرپورخاص آيو آهي، هن ڊويزنل انتظاميا کي اڳ به ضروري قدم کڻڻ جي هدايت ڪئي هئي.
هن چيو ته تيز برساتن جي صورت ۾ پاڻي جي نيڪال کي يقيني بڻايو وڃي، عوام به پوليس ۽ انتظاميا جي مدد ڪري.
ميرپور خاص جي ڪمشنر اجلاس کي بريفنگ ڏيندي ٻڌايو ته ميرپورخاص ۾ ٽي ضلعا ميرپورخاص، عمرڪوٽ ۽ ٿرپارڪر آهن، برساتن کي نظر ۾ رکندي اربن فلڊگ، ايل بي او ڊي ڊرين سسٽم ۽ آبپاشي جو نيڪالي نظام لاءِ بهترين سهولتون آهن.
ڪمشنر ٻڌايو ته ميرپورخاص ۾ نين ڪالونين جو پاڻي نيڪالي وارو نظام ٺيڪ ناهي، شهر جي وڌندڙ آبادي لاءِ موجود نظام ڪافي ناهي، سمورن مسئلن جو جائزو وٺي پمپنگ مشينن جو انتظام ڪيو ويو آهي.
هن چيو ته نالن جي صفائي سان برساتي پاڻي جي نيڪالي بهتر ٿي ويندي، سڄي ڊويزن ۾ 89 ڊرينيج پمپ موجود آهن.
بريفنگ ۾ ٻڌايو ويو ته 7 فائرنگ ٽينڊر، 230 هينڊ موونگ ٽرالر ۽ 16 ٽريڪٽر ۽ ٽراليون موجود آهن، ميرپور خاص ۾ ڊرين آر ڊي 365 کان مٺو ماڇي ريگيوليٽر کان شروع ٿعيندي آهي، ان سان پاڻي ڍورن ۾ وڃي ڪري ٿو، ڍورن تي اِن آر ڊي 318 کان شروع ٿئي ٿو، ميرپور خاص ۾ هڪ اسپائنل ڊرين 73 ميل ڊگهو آهي، جنهن جي گنجائش 46 سئو ڪيوسڪ آهي.
وڏي وزير کي ٻڌايو ويو ته ميرپورخاص ۾ ڊرين 77 ڏهائي 2 ڪلوميٽر ڊگهي آهي، جنهن جي گنجائش 326 ڏهائي 6 ڪيوسڪ آهي، ميرپورخاص ڊويزن ۾ 29 ننڍا نالا آهن، جيڪي 223 ڏهائي 19 ڪلوميٽر ٿين ٿا.
برينگ ۾ ٻڌايو ويو ته 29 ننڍن نالن جي گنجائش 782 ڏهاي 70 ڪيوسڪ آهي.
وڏي وزير، چونڊيل نمائندن جون تجويزون به ٻڌيون.
سندس چوڻ هو ته کيس اميد آهي ته ميونسپل ۽ روينيو اسٽاف الرٽ رهندو، هو ڪنهن به قسم جي شڪايت نه ٻڌندو، ڀرپور قسم جي تياري ڪئي وڃي، ڪنهن به شيءِ جي ضرورت آهي ته ٻڌايو وڃي.
وڏي وزير چيو ته 7 کان 9 آگسٽ تائين برسات جو امڪان آهي، سمورن لاڳاپيل ملازمن جون موڪلون رد ڪيون وڃن.
سيد مراد علي شاهه چيو ته اسسٽنٽ ڪمشنر ۽ مڪاني ادارن جا عملدار روڊن تي ڪم ڪندي نظر اچن.
وڏي وزير سنڌ جي سمورين ڊويزنن ۾ 286 رليف ڪيمپون قائم ڪرڻ جي به هدايت ڪئي………..
