ڪراچي جي ميئر وسيم اختر چيو آهي ته ڪو به ميئر موجوده وسيلن سان ڪم نه ٿو ڪري سگهي، صوبائي حڪومت جي ڪارڪردگي ٻڙي آهي.
سپريم ڪورٽ ڪراچي رجسٽري ۾ بل بورڊ بابت ٻڌڻي بعد ميڊيا سان ڳالهائيندي وسيم اختر چيو ته عدالت جي مٿس ناراضگي درست آ هي، پر پاڻي، گند، ٽرانسپورٽ ۽ ماسٽر پلان جا اختيار وٽن ناهن.
هن چيو ته ڪو به ميئر اچي پر اهو هنن وسيلن ۾ ڪم نه ڪري سگهندو، صوبائي حڪومت جي ڪارڪردگي ٻڙي آهي.
وسيم اختر چيو ته سنڌ حڪومت تسليم ڪيو آهي ته 70 سيڪڙو زمين صوبي وٽ ناهي، آخر 70 سيڪڙو روينيو ڪيڏانهن پيو وڃي؟
ڪراچيءَ جي ميئر چيو ته صوبائي حڪومت ڪراچي کي تباهه ڪري ڇڏيو آهي، سندس جاءِ تي ڪو به هجي ها ته عهدي مان مطمئن نه رهي ها.
وسيم اختر چيو ته هو نه ٿو سمجهي ته مڪاني چونڊون وقت تي ٿينديون، آرٽيڪل 140 جي درخواست تي ايڪشن ٿيڻ گهرجي………….
