پرڏيهي وزير شاهه محمود قريشي ايف اي ٽي ايف ۽ ڪشمير بابت اجلاس ۾ شرڪت تي مخالف ڌر جي اڳواڻ شهباز شريف ۽ پ پ چيئرمين بلاول ڀٽو زرداري جا ٿورا مڃيندا چيو آهي ته حڪومت ۽ مخالف ڌر ٻيهر ثابت ڪيو ته قومي مفادن ۾ سموريون سياسي پارٽين جو موقف هڪ آهي.
پرڏيهي وزير شاهه محمود قريشي، شهباز شريف ۽ بلاول ڀٽو زرداري کي خط لکي ٿورا مڃيا.
خط ۾ شاهه محمود قريشي چيو ته پارليامينٽ جي گڏيل اجلاس ۾ حڪومتي ۽ مخالف ڌر جو موقف ساراهه جوڳو آهي، هو اپوزيشن جي هاڪاري رويي جي ساراهه پارليامينٽ ۾ به ڪري چڪو آهي.
پرڏيهي وزير چيو ته حڪومت ۽ مخالف ڌر ٻيهر ثابت ڪيو ته قومي مفادن ۾ سموريون سياسي پارٽين جو موقف هڪ آهي.
سندس چوڻ هو ته والاريل ڪشمير ۾ ڀارت جي پنج آگسٽ 2019 واري غيرآئيني قدم کي اتفاق راءِ سان رد ڪيو ويو ۽ وادي ۾ انساني حقن جي ڀڃڪڙين کي دنيا جي هر فورم تي اٿاريو آهي، گڏيل قومن جي سلامتي ڪائونسل ۾ ٽي ڀيرا ڪشمير مسئلي کي بحث هيٺ آندو ويو.
شاهه محمود قريشي چيو ته 55 ورهين کانپوءِ ڪشمير مسئلي تي سلامتي ڪائونسل ۾ بحث ٿيو، ڪشمير سميت اهم قومي معاملن تي هو مخالف ڌر کي گڏ کڻي هلڻ چاهين ٿا، هو مخالف ڌر جي عمل جوڳي تجويزن کي اهميت ڏيندا رهندا.
پرڏيهي وزير جو چوڻ هو ته ڪشمير پاليسي تي ايندڙ حڪمت عملي جوڙڻ لاءِ هو مخالف ڌر جي هاڪاري تجويزن جو منتظر رهندو……..
