پ پ چيئرمين بلاول ڀٽو زرداري چيو آهي ته پي ٽي آءِ حڪومت جيترو عرصو برقرار رهي ملڪ ۽ عوام جو نقصان ٿيندو رهندو.
پ پ چيئرمين بلاول ڀٽو زرداري زرداري هائوس اسلام آباد ۾ عوامي نيشنل پارٽي ڪي پي جي صدر ايمل ولي خان سان ملاقات ڪئي.
ملاقات دوران ملڪي سياسي صورتحال تي ڳالهيون ڪيون ويون.
ٻنهي اڳواڻن پارليامينٽ اندر ۽ پارليامينٽ ٻاهر مخالف ڌر پاران ڀرپور ڪردار ادا ڪرڻ تي اتفاق ڪيو.
ملاقات دوران بلاول ڀٽو زرداري چيو ته حڪومت هر محاذ تي ناڪام ٿي چڪي آهي، حڪمرانن جو ڪو به رخ ناهي.
هن چيو ته حڪومت جيترو عرصو برقرار رهندي ملڪ ۽ عوام جو گهڻو نقصان ٿيندو رهندو.
سندس چوڻ هو ته مخالف ڌر حڪومت جي عوام دسمن پاليسين جو ڄمي مقابلو ڪندي.
بلاول ڀٽو زرداري چيو ته حڪومت ننڍن صوبن جا حق کسڻ چاهي ٿي، هو ننڍن صوبن جي حقن ۽ آئين جي لتاڙ ڪنهن به صورت ۾ برداشت نه ڪندا.
هن چيو ته اين ايف سي ايوارڊ جي معاملي تي حڪومت طرفان ناانصافي تي سوديبازي نه ڪئي ويندي.
سندس چوڻ هو ته ملڪ کي ون يونٽ طرف ڌڪڻ جي هر ڪوشش ناڪام بڻائي ويندي.
