سنڌ سميت سڄي ملڪ ۾ 74 هون آزادي جو ڏهاڙو قومي جوش ۽ جذبي سان ملهايو پيو وڃي.
ڄامشوري ۾ جشن آزادي جي مک تقريب يتيم خاني ۾ منعقد ڪئي وئي.
ڊي سي قومي جهنڊو ڦڙڪائي آزادي جي ڏهاڙي جي تقريبن جي شروعات ڪئي.
سنڌ يونيورسٽي ۾ 14 آگسٽ جي حوالي سان تقريب منعقد ڪئي وئي، جڏهن ته لمس ۾ وائيس چانسلر جي اڳواڻي ۾ ريلي ڪڍي وئي.
ڪنڌڪوٽ آزادي جي ڏهاڙي واري تقريب ڊي سي آفيس ۾ ڪوٺائي وئي.
ڊپٽي ڪمشنر منور مٺياڻي قومي جهنڊو ڦڙڪائي تقريب جي شروعات ڪئي.
پوليس پاران گارڊ آف آرنر پيش ڪري سلامتي ڏني وئي.
مٽياري ۾ جشن آزادي جي مک تقريب ڊپٽي ڪمشنر سيڪريٽريٽ ۾ منعقد ڪئي وئي.
ڊي سي غلام حيدر چانڊئي، ضلعي چيئرمين مخدوم فخر الزمان ۽ ايس ايس پي آصف احمد ٻگهئي قومي جهنڊو ڦڙڪايو.
سيوهڻ ۾ آزادي جي ڏينهن تي پريس ڪلب تي قومي جهڊو ڦڙڪايو ويو، جڏهن ته شهري اتحاد پاران ڌماڪ چوڪ کان سيوهڻ پريس ڪلب تائين ريلي پڻ ڪڍي وئي.
ٺٽي ۾ جشن آزادي جي مک تقريب پوليس لائين ۾ منعقد ڪئي وئي.
ڊي سي عثمان تنوير ۽ ايس ايس پي قومي جهنڊو ڦڙڪائي جشن آزادي جي تقريب جي شروعات ڪئي.
جهمپير ۾ پڻ جشن آزادي جي تقريب منعقد ڪئي وئي، جنهن ۾ سياسي سماجي تنظيمن جي اڳواڻن، شهرين، استادن ۽ شاگردن وڏي انگ ۾ شرڪت ڪئي.
نوابشاهه ۾ آزادي جو ڏينهن جوش ۽ جذبي سان ملهايو پيو وڃي، ڊپٽي ڪمشنر آفيس ۾جشن آزادي جي مک تقريب منعقد ڪئي وئي.
مک تقريب ۾ ڪمشنر شهيد بينظير آباد، ڊپٽي ڪمشنر، ڊي آءِ جي ۽ ٻين عملدارن شرڪت ڪئي.
خيرپور جي ناز هاءِ اسڪول ۾جشن آزادي جي مرڪزي تقريب ڪوٺائي وئي.
ضلعي چيئرمين شهريار وساڻ، ڊپٽي ڪمشنر احمد علي قريشي، ايس ايس پي قومي جهنڊو ڦڙڪايو، جڏهن ته پوليس جي جوانن پاران جهنڊي کي سلامي ڏني وئي.
قمبر ۾ پڻ آزادي واري ڏينهن جي حوالي سان ڊپٽي ڪمشنر آفيس ۾ تقريب منعقد ڪئي وئي.
تقريب ۾ ايڊيشنل ڊپٽي ڪمشنر عامر علي پنهور، ايس ايس پي قمبر عمران قريشي، ميونسپل چيئرمين شعبان علي شيخ تعليم کاتي جي ٽي اي او بشير احمد چانڊئي ۽ ٻين شرڪت ڪئي.
تقريب دوران پوليس جي جوانن پاران گارڊ آف آنر پيش ڪري سلامي ڏني.
ڏوڪري ۾ ٽائون چيئرمين لياقت علي سومري ۽ وائيس چيئرمين بخشل گلال ٽائون آفيس ۾ قومي جهنڊو ڦڙڪائي تقريبن جي شروعات ڪئي.
باقراڻي ۾ آريجا ٽائون ڪميٽي جي آفيس ۾ جشن آزادي جي تقريب منعقد ڪري ڪيڪ ڪاٽيو ويو.
ٽائون آفيسر قومي جهنڊو ڦڙڪائي، آزادي جي ڏهاڙي جو ڪيڪ ڪاٽيو.
نئين ديري ۾ 74هين آزادي جي ڏهاڙي تي ميونسپل ملازمن پاران قومي جهنڊا ڪڍي ريلي ڪڍي وئي، جڏهن ته اسڪولن ۾ منعقد ڪيل تقريب ۾ ٻارڙن پاران ٽيبلوز پيش ڪري ملڪ محبت جو اظهار ڪيو.
ميرپور ماٿيلي ۾ به سڄي ملڪ جيان 14 آگسٽ جي حوالي سرڪٽ هائوس ۾ تقريب منعقد ڪئي وئي.
تقريب ۾ ڊپٽي ڪمشنر گهوٽڪي، ايس ايس پي ۽ ٻين ڪامورن شرڪت ڪئي.
ڊي سي گهوٽڪي ۽ ايس ايس پي پاران قومي جهنڊو ڦڙڪايو ويو، جڏهن ته پوليس پاران سلامي پيش ڪئي وئي ۽ پڻ ٻوٽا پوکيا ويا.
تقريب کانپوءِ محمد خالد سليم جي اڳواڻي ۾ سرڪٽ هائوس کان ڀٽائي چوڪ تائين ريلي ڪڍي وئي.
مديجي ۾ ٽائون ڪميٽي ۽ ٽائون آفيسر ظفر الله جعفري قومي جهنڊو ڦڙڪائي جشن آزادي جي تقريب جي شروعات ڪئي.
نوشهري فيروز ۾ به 14 گسٽ جو ڏهاڙو ڀرپور نموني سان ملهايو پيو وڃي.
ڊي سي آفيس ۾ قومي جهنڊو ڦڙڪائڻ جون ڌار ڌار تقريبون ٿيون، جن ۾ اي ڊي سي اون تاشفين عالم، اي ايس پي الطاف لغاري، ڊي ايس پي هيڊڪوارٽر عبدالرسول عباسي، ۽ ٻين شرڪت ڪئي
ڪنڊياري ۾ پڻ آزادي جي ڏهاڙي تي ٽي ايم هال ۾ تقريب ڪوٺائي وئي.
تقريب ٽائون چيئرمين سيد غلام مرتضيٰ، اسسٽنٽ ڪمشنر نعيم احمد سهتي، ٽائون آفيسر آغا جاويد، شهرين ۽ صحافين وڏي انگ ۾ شرڪت ڪئي.
ڪنڊياري جي ٽائون چيئرمين ۽ اسسٽنٽ ڪمشنر قومي جهنڊو ڦڙڪائي تقريب جي شروعات ڪئي.
منهڙي ۾ 14 آگسٽ جي حوالي سان امن ڪميٽي جي اڳواڻن پاران ريلي ڪڍي وئي.
ڄام صاحب آزادي جي جي ڏهاڙي تي ٽائون انتظاميه پاران تقريب ڪوٺائي وئي.
تقريب ۾ ٽائون عملدار نور احمد زرداري، امداد علي بروهي ۽ ٻين قومي جهنڊو ڦڙڪايو.
ميرپور خاص جي ڪمشنر آفيس ۾ 14 آگسٽ جي حوالي سان مک تقريب رکي وئي.
تقريب ۾ پ پ ايم پي اي سيد ذوالفقار علي شاهه، ضلعي چيئرمين انور علي ٽالپر، ڪمشنر عبدالوحيد شيخ، ڊي آءِ جي، ڊي سي ۽ ٻين آفيسرن پاران قومي جهنڊو ڦڙڪايو ويو.
عمرڪوٽ ۾ سڄي ملڪ جيئان جشن آزادي جو ڏهاڙو ڌام ڌوم سان ملهايو پيو وڃي.
جشن آزادي جي مک تقريب ٽائون ڪميٽي جي پارڪ ۾ منعقد ڪئي وئي.
ضلعي چيئرمين ڊاڪٽر نور علي شاهه، ايس ايس پي عمرڪوٽ، ڊپٽي ڪمشنر ۽ ٻين قومي جهنڊي کي سلامي ڏني.
کپري ۾ جشن آزادي واري تقريب ميونسپل ڪميٽي آفيس ۾ منعقد ڪئي وئي.
چيئرمين محمد وسيم قائمخاني، اسسٽنٽ ڪمشنر نثار علي شاهه ۽ ٻين قومي جهنڊو ڦڙڪائي سلامي ڏني.
ڄام نواز علي جي زرعي يونيورسٽي ۾ 74 هين آزادي جي ڏهاڙي واري تقريب منعقد ڪئي وئي.
وي سي ڊاڪٽر مجيب الدين صحرائي جهنڊو ڦرڪائي ملڪ جي خوشحالي لاءِ دعا گهري.
گورنمينٽ هاءِ اسڪول ٻيراڻي ۾ به تقريب ڪوٺائي وئي.
اسسٽنٽ ڪمشنر عبداحميد مغل ۽ ڊي ايس پي ڄام نواز علي قومي جهنڊو ڦڙڪايو.
شاهپور چاڪر ۾ آزادي جي ڏهاڙي جي تقريب ٽائون ڪميٽي آفيس ۾ منعقد ڪئي وئي، جنهن ۾ ٽائون آفيسر نور محمد زرداري، برڪت مري ۽ ٻين قومي جهنڊو ڦڙڪايو.
تقريب دوران ٽائون ملازمن قومي نغمن تي رقص ڪري پاڪستان زنده آباد جا نعرا هنيا.
گولاڙچي جي ٽائون هال ۾ جشن آزادي جي تقريب منعقد ڪئي وئي.
ٽائون چيئرمين عبدالسلام آرائين جهنڊو ڦڙڪائي تقريب جي شروعات ڪئي، جڏ هن ته استادن ۽ شاگردن پاران قومي جهنڊ کي سلامي ڏني وئي.
سجاول ۾ پڻ 14 آگسٽ جي حوالي سان تقريب ڪوٺائي وئي، ايس ايس پي آفيس ۾ قومي جهنڊو ڦڙڪائي تقريب جي شروعات ڪئي وئي، جڏهن ته پوليس پاران قومي جهنڊ کي سلامي ڏني وئي.
ضلعي ڪائونسل جي عملدرن پاران قيدين ۽ اسپتال ۾ مريضن ۾ مٺائي پڻ ورهائي وئي.
جاتي ۾ پڻ سڄي ملڪ جيئان جشن آزادي جو ڏينهن ڀرپور جوش ۽ جذبي سان ملهايو پيو وڃي.
جشن آزادي جي مک تقريب ٽائون ڪميٽي آفيس ۾ منعقد ڪئي وئي، جنهن ۾ ڊي ايس پي جاتي، ٽائون چيئرمين ۽ سياسي سماجي شخصيتن، استادن توڙي شاگردن وڏي انگ ۾ شرڪت ڪئي، جڏهن ته تقريب دوران قومي جهنڊو ڦڙڪائي سلامي ڏني وئي.
گڊو ۾ جماعت اسلامي اڳواڻ شمشير خان مزاري جي اڳواڻي ۾ جشن آزادي جي حوالي سان ريلي ڪڍي وئي.
تنگواڻي ۾ به پي ٽي آءِ امن ڪميٽي پاران عظيم کوسي، قربان باجڪاڻي، سچل شيخ ۽ ٻين جي اڳواڻي ۾ ريلي ڪڍي وئي.
جوهي، ڪنري، بخشاپور، ٺري ميرواهه، سيٺارجا، خير محمد آريجا ۽ ميروخان ۾ پڻ آزادي جي ڏهاڙي تي تقريبون منعقد ڪرڻ سان گڏ ريليون ڪڍيون ويون.
هوڏانهن بلوچستان جي شهر ڊيرا مراد جمالي ويجهو نصير آباد ۾ 74هين آزادي جي ڏهاڙي تي تقريب ڪوٺائي وئي.
تقريب ۾ سياسي سماجي تنظيمن جي اڳواڻن ۽ هندو پنچائت جي ميمبرن شرڪت ڪئي.
ڊپٽي ڪمشنر آفيس ۾قومي جهنڊو ڦڙڪائي تقريبن جي شروعات ڪئي وئي.
حب ۾ اسسٽنٽ ڪمشنر گل ڪاڪڙ قومي جهنڊو ڦڙڪائي آزادي جي ڏهاڙي جي تقريبن جي شروعات ڪئي.
