سنڌ ۾ ڪورونا وائرس سبب وڌيڪ 5 مريض فوت ۽ 318 نوان ڪيس ظاهر ٿيا، صوبي ۾ فوتين جو انگ 2336 ۽ متاثر هڪ لک 26 هزار 743 ٿي ويا، جن مان هڪ لک 20 هزار 241 مريض صحتياب ٿي چڪا آهن.
سنڌ ۾ ڪورونا وائرس بابت بيان جاري ڪندي وڏي وزير سيد مراد علي شاهه چيو ته 24 ڪلاڪن دوران 8 هزار 94 ٽيسٽون ڪيون ويون، جن مان 318 ڄڻن کي وائرس جي تصديق ٿي، هيل تائين 9 لک 6 هزار 323 ٽيسٽون ڪيون ويون، جن مان هڪ لک 26 هزار 743 ڪيس سامهون اچي چڪا آهن.
هن چيو ته وڌيڪ 5 مريض وائرس سبب فوت ٿي ويا، جنهن بعد فوتين جو انگ 2336 ٿي ويو آهي.
وڏي وزير 24 ڪلاڪن دوران وڌيڪ 392 مريض صحتياب ٿي ويا، جنهن بعد صحت ماڻيندڙن جو انگ هڪ لک 20 هزار 241 ٿي ويو آهي.
سندس چوڻ هو ته صوبي ۾ 4 هزار 166 مريض علاج هيٺ آهن، جن مان 37 سئو 82 گهرن، 6 آئسوليشن مرڪزن ۽ 378 مختلف اسپتالن ۾ داخل آهن، جن مان 202 جي حالت ڳڻتي جوڳي ٻڌائي پئي وڃي ۽ 36 مريض وينٽيليٽر تي آهن.
سيد مراد علي شاهه چيو ته نون ڪيسن مان 133 جو تعلق ڪراچي سان آهن، جن مان 50 ڏکڻ ضلعي، 37 اوڀر، 17 سينٽرل، ڪورنگي ۾ 14، ملير ۾ 10 ۽ اولهه ضلعي ۾ 5 ڪيس ظاهر ٿيا.
وڏي وزير چيو ته سانگهڙ ۾ 20، ميرپورخاص ۾ 14، شڪارپور ۾ 13، ٽنڊي الهيار ۾ 9، دادو ۾ 8، شهيد بينظير آباد ۾ 8، گهوٽڪي ۾ 8، سکر، خيرپور ۽ مٽياري ۾ 7-7، قمبر ۾ 5، لاڙڪاڻي ۾ 4، ٽنڊي محمد خان ۾ 4، عمر ڪوٽ ۽ بدين ۾ 3-3، حيدرآباد ۾ 2، ڄامشوري ۽ نوشهري فيروز ۾ 2-2 ڪيس سامهون آيا…………
