سنڌ ڪابينا جا ڪراچي لاءِ اهم فيصلا.

سنڌ ڪابينا ڪراچي جي اولهه ضلعي کي ٽوڙي ڪياماِڙي ضلعو ٺاهڻ، مڪاني حڪومتن جو مدو ختم ٿيڻ بعد ايڊمنسٽريٽر مقرر ڪرڻ جا اختيار مڪاني کاتي جي صوبائي وزير حوالي ڪرڻ، ڏيڍ لک ٽن ڪڻڪ ٻاهران گهرائڻ، جعلي پي سي آر جي ڇنڊڇاڻ لاءِ گهرو کاتي جي سيڪريٽري جي سربراهي ۾ ڪميٽي قائم ڪرڻ ، عمرڪوٽ ۽ ڪراچي جي خالي ٿيل صوبائي سيٽن تي ننڍي چونڊ ڪرائڻ لاءِ اليڪشن ڪميشن کي درخواست ڏيڻ سميت اهم فيصلا ڪيا ويا آهن، وڏي وزير سيد مرادعلي شاهه جو چوڻ هو ته سنڌ ۾ مڪاني حڪومتن جو مدو پورو ٿي رهيو آهي پر ٻي ڪنهن به صوبي ۾ مڪاني حڪومتن مدو پورو نه ڪيو آهي، اسان ميئرکي جيل ۾ هوندي به ڪم ڪرڻ ڏنو ، پيپلزپارٽي جمهوري پارٽي آهي ۽ جمهوريت جي مصبوطي لاءِ ڪم ڪندي رهندي