فرانس جي صدر طرفان ٻنهي جهانن جي سردار حضرت محمد صه جي شان ۾ گستاخي ڪرن واري عمل ۽ خاڪا جاري ڪرڻ خلاف هندو برادري پاران ڊيرا مراد جمالي ۾ احتجاجي مظاهرو ڪيو ويو. احتجاجي مظاهري جي اڳواڻي دنيش ڪمار، سنجي ڪمار، تارا چند ۽ هرپال داس ڪري رهيا آهن. ريلي مختلف رستن کان ٿيندي پريس ڪلب پهتي، جتي فرانسيسي صدر خلاف سخت نعريبازي ڪئي وئي. ان موقعي تي اڳواڻن ميڊيا سان ڳالهائيندي چيو ته فرانس جي صدر آخري نبي جي شان ۾ گستاخي ڪئي آهي،جنهن سان مسلمانن سان گڏ اقليتي برادري جي دل آزاري ٿي آهي. هنن چيو ته اهڙو عمل ڪنهن به ريت برداشت نه ڪيو ويندو. احتجاج ڪندڙن پاڪستاني سرڪار کان گهر ڪئي ته فرانس سان سفارتي لاڳاپا ختم ڪيا وڃن.
