سنڌ ۾ ڪورونا وائرس سبب وڌيڪ 4 مريض فوت ۽ 480 نوان ڪيس ظاهر ٿيا، 110 مريض صحتياب ٿيڻ بعد صوبي ۾ علاج هيٺ مريضن جو انگ 49 سئو 21 آهي. سنڌ ۾ ڪورونا وائرس بابت بيان جاري ڪندي وڏي وزير سيد مراد علي شاهه چيو ته 24 ڪلاڪن دوران 11 هزار 313 ٽيسٽون ڪيون ويون، جن مان 480 ڪيس ظاهر ٿيا، هيل تائين ڪيل 16 لک 54 هزار 763 ٽيسٽن مان هڪ لک 46 هزار 331 ڪيس ظاهر ٿي چڪا آهن. هن چيو ته وڌيڪ 4 مريض وائرس سبب فوت ٿي ويا، جنهن بعد فوتين جو انگ 2631 ٿي ويو آهي. وڏي وزير چيو ته وڌيڪ 110 مريض صحتياب ٿي ويا، جنهن بعد صحت ماڻيندڙن جو انگ هڪ لک 38 هزار 779 ٿي ويو آهي. هن چيو ته صوبي ۾ 49 سئو 21 مريض علاج هيٺ آهن، جن مان 46 سئو 75 گهرن، هڪ آئسوليشن مرڪز ۽ 245 مختلف اسپتالن ۾ داخل آهن، 186 مريضن جي حالت ڳڻتي جوڳي ۽ 28 وينٽيليٽر تي آهن. وڏي وزير چيو ته نون ڪيسن مان 367 ڪيس ڪراچي ۾ ظاهر ٿيا، جن مان 168 اوڀر ضلعي، 104 ڏکڻ ضلعي، سينٽرل ۾ 34، ڪورنگي ۾ 30، ملير ۾ 16 ۽ اولهه ضلعي ۾ 15 ڪيس ظاهر ٿيا. سيد مراد علي شاهه چيوته حيدرآباد ۾ 25، ميرپورخاص ۾ 12، خيرپور، دادو ۽ گهوٽڪي ۾ 6-6، سکر، ٽنڊي الهيار ۽ ڄامشوري ۾ 4-4، ٺٽي ۾ 3، عمرڪوٽ، مٽياري، سجاول ۽ ٽنڊي محمد خان ۾ 2-2، لاڙڪاڻي ۽ ساگهڙ ۾ هڪ هڪ ڪيس ظاهر ٿيو. وڏي وزير عوام کي اپيل ڪئي ته ڪورونا وائرس جي وڌندڙ ڪيسن بعد احتياطي اپائن تي عمل ڪيو وڃي.
سنڌ جي مختلف شهرن ۾ روڊ حادثن سبب ٻه ڄڻا فوت ۽ چار ڄڻا زخمي ٿي پيا
سنڌ جي مختلف شهرن ۾ روڊ حادثن سبب ٻه ڄڻا فوت ۽ چار ڄڻا زخمي ٿي پيا. قمبر ويجهو وين...
