پاڪستان سپر ليگ ايڊيشن فائيو جي رهيل چئن ميچن ۾ 21 پرڏيهي رانديگر حصو وٺندو، ڏکڻ آفريڪن اسٽار رانديگر فاف ڊپليسز پهريون ڀيرو پي ايس ايل جو حصو بڻجي رهيو آهي. پي ايس ايل فائيو جون رهيل 4 ميچون ڪراچي ۾ 14، 15، 17 نومبر تي کيڏيون وينديون. پلي آف ميچن ۾ 21 پرڏيهي رانديگر حصو وٺندا، جن ۾ ڏکڻ آفريڪا جا 7، انگلينڊ جا 6، ويسٽ انڊيز جا 4، بنگلاديش جا 2 ۽ نيوزيلينڊ توڙي آسٽريليا جو هڪ هڪ رانديگر ميدان ۾ جوهر ڏيکاريندو. 21 پرڏيهي رانديگرن ۾ ڏکڻ آفريڪن رانديگر فاف ڊپليسز نمايان آهي، جيڪو پهريون ڀيرو پي ايس ايل جو حصو بڻجندو، هو ايونٽ ۾ پشاور زلمي جي نمائندگي ڪندو، کيس ڪيرين پولارڊ جي جاءِ تي اسڪواڊ ۾ شامل ڪيو ويو آهي. فاف ڊپليسز 2017ع ۾ آءِ سي سي ورلڊ اليون ٽيم جي ڪپتان جي حيثيت سان پاڪستان جو دورو ڪيو هو. ايونٽ ۾ ڏکڻ آفريڪا سان تعلق رکندڙ ڪيمرون ڊيلپورٽ ڪراچي ڪنگز، ڊين ويلاز ۽ ڊيوڊ ويزيَ لاهور قلندرز، رائلي روسو ۽ عمران طاهر ملتان سلطانز ۽ هارڊس ويلجوئن پشاور زلمي طرفان کيڏيندا. ايلڪس هليز ڪراچي ڪنگ، جيسز ونس ملتان سلطانز، سمت پٽيل لاهور قلندرز، ايڊم ليٿ ۽ روي بوپارا ملتان سلطانز ۽ ليام ليونگ اسٽون پشاور زليم طرفان ايونٽ جي رهيل ميچ ۾ حصو هوندا. ويسٽ انڊز جو چيڊوڪ والٽن ۽ روٿر فورڊان ڪراچي ڪنگز ۽ ڪارلوس بريٿ ويٽ ۽ ڊرين سيمي پشاور زلمي جي نمائندگي ڪندا.
پاڪستان ڪرڪيٽ بورڊ، پي ايس ايل جون ڇهون ايڊيشن ڪورونا جا ڪيس وڌڻ سبب ملتوي ڪري ڇڏيو
پاڪستان ڪرڪيٽ بورڊ، پي ايس ايل جون ڇهون ايڊيشن ڪورونا جا ڪيس وڌڻ سبب ملتوي ڪري ڇڏيو. پي سي بي...
