سنڌ سرڪار ڪڻڪ جي بحران بابت وفاقي سرڪار جي الزامن کي رد ڪري ڇڏيو. سڌ سماءَ واري وفاقي وزير شبلي فراز جي پريس ڪانفرنس تي رد عمل ظاهر ڪندي صوبائي وزير ناصر شاهه چيو ته شبلي فراز پنهنجي حڪومت جي نااهلي لڪائڻ لاءِ سنڌ سرڪار تي اجائي تنقيد ڪري رهيو آهي. هن چيو ته پي ٽي آءِ حڪومت جي پنهنجي ته ڪارڪردگي ناهي تنهن ڪري سنڌ سرڪار کي ئي ٽارگيٽ ڪري رهي آهي. سندس چوڻ هو ته سنڌ سرڪار ڪورونا وائرس روڪڻ لاءِ ملڪ ۾ هڪ نئون ٽرينڊ متعارف ڪرايو. ناصر شاهه چيو ته سنڌ جي وڏي وزير جي وقت تي قدمن کي سڄي ملڪ فالو ڪيو. هن چيو ته جيڪڏهن سنڌ ۾ صورتحال ٻين ملڪن جي ڀيٽ ۾ گهٽ آهي ته اها سنڌ سرڪار جي وقت تي ڪيل فيصلن جو نتيجو آهي. سندس چوڻ هو ته ڪورونا وائرس جي صورتحال تي وفاقي سرڪار وائڙائپ جو شڪار رهي آهي. ناصر شاهه چيو ته جيڪڏهن اٽي جا اگهه ٻين صوبن ۾ گهٽ هجن ها ته ذميوار سنڌ سرڪار هجي ها. هن چيو ته اٽي جا اگهه سڄي دنيا ۾ وڌيڪ هئڻ جي ذميوار سنڌ سرڪار آهي. سندس چوڻ هو ته وفاقي سرڪار جي غلط پاليسين سبب غريب عوام کان ماني به ڇني وئي آهي. ناصر شاهه چيو ته اڄ به صوبي ۾ نان جو اگهه ٻين صوبن جي ڀيٽ ۾ گهٽ آهي.
دريا خان مري ڀرسان قبرستان جي معاملي تان ٻن ڌرين ۾ جهيڙو 2 ڄڻا مارجي ويا
دريا خان مري ڀرسان قبرستان جي معاملي تان ٻن ڌرين ۾ جهيڙي جي نتيجي ۾ 2 ڄڻا مارجي ويا ۽...
