آمريڪا جي تاريخي صدارتي چونڊن ۾ ڊيموڪريٽڪ پارٽيءَ جي اميدوار جو بائيڊن سرسي حاصل ڪري ورتي

آمريڪا جي تاريخي صدارتي چونڊن ۾ ڊيموڪريٽڪ پارٽيءَ جي اميدوار جو بائيڊن سرسي حاصل ڪري ورتي، صدر ٿيڻ لاءِ گهربل 270 اليڪٽورل ووٽن مان ڊيموڪريٽڪس کي 264 ووٽ ملي ويا، صدر ٽرمپ کي 214 ووٽ حاصل، بيٽل گرائونڊ رياستن مان مـِـشي گن ۽ وسڪونسن ۾ به ڊيموڪريٽڪس کي سرسي، پينسلوانيا ۽ ٻين رياستن ۾ ووٽن جي ڳڻپ جو سلسلو جاري  آهي. آمريڪا جي تاريخي صدارتي چونڊن ۾ڊيموڪريٽڪ پارٽيءَ جي اميدوار جو بائيڊن سرسي حاصل ڪري ورتي. صدر ٿيڻ لاءِ گهربل 270 اليڪٽورل ووٽن مان ڊيموڪريٽڪس کي 264 ووٽ ملي ويا، صدر ٽرمپ  214 ووٽ حاصل ڪيا. بيٽل گرائونڊ رياستن مان مـِـشي گن ۽ وسڪونسن ۾ به ڊيموڪريٽڪس کي سرسي جڏهن ته پينسلوانيا ۽ ٻين رياستن ۾ ووٽن جي ڳڻپ جو سلسلو جاري  آهي. ڊيموڪريٽڪ اميدوار جوبائيڊن کي کٽڻ لاءِ 6 اليڪٽورل ووٽ گهربل آهن. آمريڪي ميڊيا موجب، ڊيموڪريٽڪ اميدوار جوبائيڊن مشي گن ۾ ڪامياب ٿي ويو کيس 16 اليڪٽورل ووٽ مليا. ميڊيا رپورٽن موجب، آمريڪي رياست مشي گن ۾ 99 سيڪڙو ووٽن جي ڳڻپ ٿي چڪي آهي. آمريڪي صدارتي چونڊن ۾ عوام سڌي ريت اميدوار نه چونڊيندو آهي پر اليڪٽر چونڊيندو آهي ۽ اليڪٽرز ذريعي صدر چونڊيو ويندو آهي. هر رياست جا ڌار ڌار اليڪٽورل ووٽ آهن جيڪي آباديءَ جي حساب سان مقرر ٿيندا آهن، اليڪٽورل ڪاليج جي ڪـُـل 538 ووٽن مان صدارتي چونڊ کٽڻ لاءِ 270 ووٽ حاصل ڪرڻ لازمي آهن. هر ڀيري جيان هن ڀيري به ڪجهه رياستن ۾ ڊيمڪوريٽس ته ڪن ۾ وري ريپبلڪن کي سرسي حاصل رهي، جڏهن ته ڏهن رياستن ۾ ٻنهي پارٽين جي اميدوارن ۾ سخت مقابلو آهي. بيٽل گرائونڊ سمجهي ويندڙ انهن ڏهن رياستن مان فلوريڊا ۾ صدر ڊونلڊ ٽرمپ ڪاميابي ماڻي ورتي آهي، جڏهن ته پينسلوانيا، ٽيڪساس، جارجيا، نارٿ ڪيرولينا، آءِ ووا، اوهايو ۽ نيبراسڪا ۾ هن مهل تائين ڳڻيل ووٽن ۾ صدر ٽرمپ کي سرسي حاصل آهي. بيٽل گرائونڊ رياستن مان ايريزونا ۾ جو بائيڊن ڪامياب ٿي ويو آهي، جڏهن ته وسڪونسن، مـِـشي گن، ڪولو راڊو مـِـنيسـُـوٽا، نيو هيمپشائر ۽ نيواڊا ۾ به کيس سرسي حاصل آهي. آخري اطلاعن تائين آيل نتيجن ۾ صدر ڊونلڊ ٽرمپ الباما، الاسڪا، ارڪنساس، اوڊاهو، اِنڊيانا، آءِ اووا، ڪنساس، لوئزانا، مـِـسيسـِـپي، مـِـزُوري، مونٽانا، نيبراسڪا، اوهيو، اوڪلوهاما، سائوٿ ڪيرولينا، سائوٿ ڊِڪوٽا، اُتاهه، ويسٽ ورجينيا ۽ وائمنگ ۾ ڪاميبابي ماڻي آهي.   ڊيموڪريٽڪ پارٽيءَ جي اميدوار جو بائيڊن وري نيويارڪ، ڪيليفورنيا، ڪـِـنيڪـِـٽي ڪـَـٽِ، ڊيلاويئر، واشنگٽن، ڊسٽرڪٽ آف ڪولمبيا، هوائي، اَلونائس، مين، ميسيچوسٽس، ميري لينڊ، نيو جرسي، نيو ميڪسيڪو، اوريگن، رهوڊ آئلينڊ، ورمونٽ ۽ ورجينيا  ۾ ڪاميابي ماڻي آهي. آمريڪي صدارتي چونڊ ۾ ڏهن ڪروڙن جي لڳ ڀڳ ووٽرن آڳاٽي ووٽنگ جي سهولت تحت ٽپال يا اِي ميل ذريعي پنهنجي ووٽ جو حق استعمال ڪيو، جنهنڪري ووٽن جي ڳڻپ جو سلسلو جاري آهي ۽ مڪمل نتيجا اچڻ ۾ دير ٿي سگهي ٿي. تجزئي نگارن جو چوڻ آهي ته ووٽن جي ڳڻپ مڪمل ٿيڻ کانپوءِ نتيجا ٻيا به ٿي سگهن ٿا.

وڌيڪ پڙهو…