وزيراعظم عمران خان چيو آهي ته پاڪستان کي اهڙو ملڪ بڻائڻ جي خواهش آهي جنهن کي ڪنهن جي اڳيان هٿ ٽنگڻو نه پوي. حسن ابدال ريلوي اسٽيشن اپ گريڊيشن جي افتتاحي تقريب کي خطاب ڪندي وزيراعظم عمران خان چيو ته نئين پاڪستان جي سفر ۾ ريلوي جو تمام گهڻو ڪردار آهي ڇو ته دنيا ۾ ٽرين سستي ۽ آرام ڏيندڙ سفر جو ذريعو آهي. هن چيو ته بدقسمتي سان هنن انگريز جي ڏنل ريلوي نظام کي ترقي نه ڏني آهي، ريلوي اهميت ان ڪري رکي ٿو ڇاڪاڻ ته اها عام ۽ غريب ماڻهن جي سواري آهي، ريلوي معاشي ترقي ۾ به اهم ڪردار ادا ڪندي. سندس چوڻ هو ته ايم ايل ون سان پاڪستان ۾ پهريون ڀيرو ريلوي ۾ سڀ کان وڏي سيڙپڪاري اچي رهي آهي، رٿا سان ڪراچي کان لاهور وچ ۾ سفر ستن ڪلاڪن اندر طئه ٿيندو. وزيراعظم عمران خان چيو ته سندس خواهش ته پاڪستان اهڙو ملڪ بڻجي جنهن کي ڪنهن اڳيان هٿ نه ٽنگڻو پوي، ايم ايل ون پنهنجي پيرن تي بيهڻ ڏانهن هڪ اهم قدم هوندو. هن چيو ته نئين پاڪستان ۾ سمورن مذهبن جا ماڻهو برابر آهن، سندن ڪوشش هئي ته سک برادري لاءِ سولايون پيدا ٿين، حسن ابدال ريلوي اسٽيشن تان سک برادري کي گهڻي سهولت ملندي. وزيراعظم عمران خان چيو ته سياحت کي هٿي ڏيڻ لاءِ کين هر قسم جون سهولتون ڏيڻيون آهن، جيڪڏهن سياحت کي بهتر بڻايو وڃي ته ڪنهن کان قرض وٺڻ جي ضرورت نه پوندي.
ملڪ جا سمورا ادارا پنهنجو اعتماد وڃائي چڪا آهن، فواد چوڌري
تحريڪ انصاف اڳواڻ فواد چوڌري چيو آهي ته ملڪ جا سمورا ادارا پنهنجو اعتماد وڃائي چڪا آهن، ڪنهن جي حق...
