ن ليگ اڳواڻ حمزا شهباز چيو آهي ته ڪورونا وبا ۾ هو جيئن جيل ۾ رهي پيو، اُهو الله ئي ڄاڻي ٿو، وائرس دوران هو پنهنجي مدد پاڻ تحت دوا وٺندو رهيو. لاهور جي احتساب عدالت ۾ رمضان شگر ملز ريفرنس جي ٻڌڻي ٿي، جنهن ۾ پوليس حمزا شهباز کي عدالت آڏو پيش ڪيو. ٻڌڻي دوران حمزا شهباز چيو ته هو ڪجهه چون چاهي ٿو، جنهن تي عدالت کيس ڳالهائڻ جي اجازت ڏني. حمزا شهباز چيو ته سترهن مهينن کان هو عدالت ۾ پيش ٿي رهيو آهي، ان دوران بليٽ پروف گاڏين ۾ آندو ويو، اوچتو بڪتر بند گاڏيءَ ۾ آندو ويو. هن چيو ته گذريل ٻڌڻي لاءِ هو وقت سر جيل ٻاهران اچي ويو پر هن انڪار نه ڪيو، پوليس آفيسرن ڄاڻي واڻي سندس لاءِ بڪتربند گاڏي آندي. حمزا شهباز چيو ته سڀني کي خبر آهي ته سندس چيلهه ۾ تڪليف آهي، هو گاڏيءَ لاءِ اڍائي ڪلاڪ انتظار ڪندو رهيو. ن ليگ اڳواڻ چيو ته ڪورونا وبا ۾ جيل اندر جيئن رهيو آهي، اهو الله ڄاڻي ٿو، ڪورونا وائرس دوران هو پاڻ دوا وٺندو رهيو. حمزا شهباز چيو ته هڪ شخص منهن تي هٿ ڦيري چيو ٿو هاڻي هو ڏسي وٺندو، جنهن تي جج کيس چيو ته هت سياسي ڳالهه نه ڪئي وڃي. عدالت، عملدارن کان سوال ڪيو ته ڇا ڪنهن جوابدار کي آڻڻ لاءِ ڪو قانون يا ايس او پيز آهن، جنهن تي ايڊيشنل سيڪريٽريءَ ٻڌايو ته اهڙو ڪو به قانون يا ايس او پيز ناهي. احتساب عدالت جي جج هدايت ڪئي ته عدالت ۾ پيش ٿيندڙ سمورن جوابدارن جي پيشيءَ لاءِ ايس او پيز جوڙيون وڃن، جيڪڏهن جوابدارن جي پيشيءَ لاءِ ڪا ڪلاس بڻائڻي آهي ته اهو به ٻڌايو، جنهن عدالت ٻڌڻي 17 نومبر تائين ملتوي ڪئي وئي.
ملڪ جا سمورا ادارا پنهنجو اعتماد وڃائي چڪا آهن، فواد چوڌري
تحريڪ انصاف اڳواڻ فواد چوڌري چيو آهي ته ملڪ جا سمورا ادارا پنهنجو اعتماد وڃائي چڪا آهن، ڪنهن جي حق...
