اسٽيبلشمينٽ سان ڳالهائڻ پي ڊي ايم جو گڏيل فيصلو هوندو، فضل الرحمان

پي ڊي ايم سربراهه مولانا فضل الرحمان چيو آهي ته اسٽيبلشمينٽ سان ڳالهائڻ پي ڊي ايم جو گڏيل فيصلو هوندو، ڪنهن هڪ پارٽي جي ڳالهين جي اجازت نه ٿي ڏئي سگهجي. ڊيرا اسماعيل خان ۾ ميڊيا سان ڳالهائيندي فضل الرحمان چيو ته  سڌارن طرف وڃڻ لاءِ ذميوار سان ئي ڳالهيون ڪرڻيون پونديون. هن چيو ته بلاول ۽ مريم جي لفظن ۾ تعبير جو فرق ٿي سگهي ٿو پر ڌانڌلي جو ذميوار ناهي. سندس چوڻ هو ته ڪجهه ماڻهو شخصيتن جو نالو کڻڻ کان تنهن ڪري پاسو ڪندا آهن جو اداري جو تاثر پيدا ٿئي ٿو. مولانا فضل الرحمان چيو ته اسٽيبلشمينٽ سان ڳالهيون ٿيون ته پي ڊي ايم جي پليٽ فارم   تان ئي ٿينديون. هن چيو ته بلاول ۽ مريم جي بيانن ۾ ڪو به تضاد ناهي، موجوده حڪومت جي ڌانڌلي جي پيداوار هئڻ تي ٻنهي ۾ اتفاق آهي. سندس چوڻ هو ته آءِ جي سنڌ واقعي تي انڪوائري جو هاڪاري رخ به آهي، ٽرمپ هٽي ويو، مودي ۽ عمران خان جو وقت به اچڻ وارو آهي. مولانا فضل الرحمان چيو ته حڪومتي جلسن سان ڪورونا وائرس نه ٿو پکڙجي ته مخالف ڌر جي جلسن سان به بيماري نه وڌندي، پي ڊي ايم جا جلسا هر صورت ۾ ٿيندا.

وڌيڪ پڙهو…