سنڌ ايڪشن ڪميٽي پاران ٻيٽن تي قبضن خلاف اڄ ڪراچي ۾ ريلي ڪڍي گورنر هائوس وٽ جلسو ڪيو ويندو، جلال محمود شاهه جو چوڻ آهي ته اڄ لکين سنڌي پنهنجا وسيلا بچائڻ لاءِ ريلي ۾ ڀرپور شرڪت ڪندا. سنڌ ايڪشن ڪميٽي جي ريلي جي ايس يو پي سربراهه سيد جلال محمود شاهه، ايس ٽي پي سربراهه ڊاڪٽر قادر مگسي، جسقم چيئرمين صنعان خان قريشي، عوامي تحريڪ جو صدر ڊاڪٽر رسول بخش خاصخيلي، جي يو آءِ سنڌ جو جنرل سيڪريٽري راشد محمود سومرو، جسم سربراهه رياض چانڊيو، اي جي پي صدر وشنو مل ۽ ٻين اڳواڻ اڳواڻي ڪندا. ريلي شاهراهه فيصل گورا قبرستان کان نڪرندي جيڪا مختلف روڊن رستن کان ٿيندي ڦوهارا چوڪ گورنر هائوس وٽ پهچندي جتي جلسو ڪيو ويندو. سنڌ ايڪشن ڪميٽي جي ڪنوينر سيد جلال محمود شاهه پنهنجي جاري ڪيل بيان ۾ چيو آهي ته ٻيٽ سنڌ جي ملڪيت آهن جن کي بچائڻ لاءِ سنڌي قوم وطن پرستن جو ساٿ ڏئي.هن چيو ته حڪران اقتدار خاطر سنڌ جي ٻيٽنسميت سمورن وسيلن تي سودو ڪري پنهنجي اقتدار کي محفوظ بڻائي رهيا آهن.سندس چوڻ اڄ لکين ڌرتي ڌڻي سنڌ جا ٻيٽ ۽ وسيلا بچائڻ لاءِ گڏ ٿي نه صرف ايڪي جو اظهار ڪندا پر ٻيٽن تي قبضن کي مڪمل طور رد ڪري ڇڏيندا. هن چيو سنڌ سرڪار صرف سنڌ اسيمبلي مان قراردادون پاس ڪرائڻ بعد خاموش ٿي ويهي رهي آهي.
سنڌ ۾ انٽر ميڊيٽ جا امتحان جاري
سنڌ ۾ انٽر ميڊيٽ جا امتحان جاري آهي، مختلف شهرن تي ڪاپي جي ڌم متل آهي. ميرپور خاص ۾ ٻارهين...
