پنجاب ۾ تاريخ جو بهترين مڪاني نظام آڻي رهيا آهن، وزيراعظم

وزيراعظم عمران خان چيو آهي ته پنجاب ۾ تاريخ جو بهترين مڪاني نظام آڻي رهيا آهن، واپارين کي جائز نفعو ڪمائن، کنڊ چورن جيان ناجائز منافعي خوري نه ڪئي وڃي. فيصل آباد ۾ تقريب کي خطاب ڪندي وزيراعظم عمران خان چيو ته حڪومت جي ذميواري آهي ته شهرين کي سهولتون فراهم ڪري، ملڪي مسئلن کي گهٽائڻ ۾ مڪاني نظام اهم ڪردار ادا ڪندو آهي، جنهن لاءِ پنجاب ۾ تاريخ جو بهترين مڪاني نظام آڻي رهيا آهن. هن چيو ته 2018ع ۾ تحريڪ انصاف کي قرضن ۾ ٻڏل ملڪ مليو، چاليهه ارب ڊالر واپاري خسارو ورثي ۾ مليو، واپاري خساري ۽ رپئي جو اگهه کي هٿرادو طريقي سان بحال رکڻ سبب معيشيت کي نقصان ٿيو، ماضي ۾ قرض وٺي ملڪي ناڻي ۾ واڌ ڪئي ويندي هئي. وزيراعظم چيو ته کين مهانگائي تي گهٽ وڌ ڳالهايو ويو، جنهن جو سبب شيون ٻاهر موڪلڻ گهٽ ۽ ٻاهران گهرائڻ جو رجحان وڌيڪ هو، واپاري خسارو به وڌيڪ هو ۽ رپئي جو اگهه به ڪريل هو، جنهن کي قرض وٺي هٿرادو طريقي سان سنڀاليو ويو هو، اڳوڻي حڪومت جي اهڙي قدم سبب ناڻي جا ذخيرا ضايع ٿيا. سندس چوڻ هو ته حڪومت معيشيت بابت ڏکيا فيصلا ڪيا، ان دوران دوست ملڪن به معاشي طور مدد ڪئي، منافعو ڪمائڻ ڏوهه ناهي، واپاري جائز نفعو ڪمائن، کنڊ چورن جيان ناجائز منافعي خوري نه ڪئي وڃي. وزيراعظم عمران خان چيو ته ڪورونا جي ٻي لهر اچي پئي، ڪيس وڌن پيا، سڀ ماسڪ ضرور پائن، صورتحال خراب ٿي ته معيشيت تي به اثر پوندا، فيصل آباد جهڙو شهر رڳو صوبائي ترقياتي فنڊن ذريعي ٺيڪ نه ٿيندو، رڳو لاهور تي خرچ ڪيو ويندو ته صوبي جا ٻيا شهر ترقي ۾ پٺتي رهجي ويندا..

وڌيڪ پڙهو…