پنجاب جي وڏي وزير عثمان بوزدار سيالڪوٽ جو اوچتو دورو ڪري سهولت بازار ۽ ٿاڻي ۾ شهرين جا مسئلا ٻُڌا. وڏو وزير عثمان بوزدار ظفر وال مان صوبائي وزير چوڌري اخلاق سان گڏ سيالڪوٽ ايئرپورٽ پهتو، جتي اختيارين طرفان سندس آجيان ڪئي وئي. وڏو وزير ايئرپورٽ کانپوءِ سڌو سنبڙيال ۾ لڳل سهولت بازار پهتو، جتي هُن عام واهپي جي شين جون ريٽ لسٽون چيڪ ڪيون. وڏي وزير عثمان بوزدار سهولت بازار ۾ رکيل شين جي معيار ۽ اگهن کي تسلي جوڳو قرار ڏنو، جتي هُن هڪ عورت جو مسئلو ٻڌي انتظاميه کي فوري طور سندس مدد ڪرڻ جي هدايت پڻ ڪئي. سهولت بازار کانپوءِ وڏي وزير سنبڙيال ٿاڻي جو دورو ڪري عملي ۽ فرياد کڻي آيل شهرين سان ملاقات ڪئي. پنجاب جي وڏي وزير ٿاڻي تي موجود شهرين جا مسئلا فوري طور حل ڪرڻ جو پوليس کي حڪم ڏيندي چيو ته انصاف جي عمل کي تيز ڪيو وڃي. وڏو وزير عثمان بوزدار مختصر دوري کانپوءِ واپس لاهور روانو ٿي ويو.
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي، اسٽيٽ بينڪ جو چوڻ آهي ته رمضان...
