ڪوٽڙي ۾ وڪيل جي گهر تي پوليس چڙهائي واري عمل خلاف ڊسٽرڪٽ بار جي سڏ تي ڄامشوري جي وڪيلن طرفان عدالتي ڪارروائي جو بائيڪاٽ ڪيو ويو. وڪيل ذوالفقار علي چانڊئي جي گهر تي چڙهائي ڪرڻ خلاف وڪيلن عدالتي ڪارروئاي جو بائيڪاٽ ڪيو. ڄامشورو بار ايسوسيئيشن جي اڳواڻ وڪيل مير احمد مڱرئي، وڪيل حيدر علي انڙ ۽ ٻين عدالتي ڪاروائي جو بائيڪاٽ ڪري ايس ايڇ او ڪوٽڙي عرض محمد خاصخيلي کي هٽائڻ جو مطالبو ڪيو. هنن چيو ته ڪوٽڙي پوليس بنا جواز وڪيل ذوالفقار علي چانڊئي گهر جي چڙهائي ڪئي، جنهن جي هو مذمت ڪن ٿا. ٻي طرف رابطو ڪرڻ تي ايس ايڇ او ڪوٽڙي چيو ته ڪوٽڙي پوليس ڪنهن جي گهر تي چڙهائي ناهي ڪئي، منشيات وڪرو ڪرڻ تي هڪ گهر تي ڇاپو هڻي منشيات هٿ ڪري ٻن عورتن زهره ۽ قدرت خاتون کي حراست ۾ ورتو ويو آهي. هن چيو ته گرفتار ٿيلن وٽان 115 گرام هيروئن ۽ 1200 گرام چرس هٿ آئي، جنهن تي مٿن ڪيس داخل ڪيو ويو آهي.
جيئي سنڌ قومي محاذ جي چيئرمين بشير خان قريشيءَ جي وڇوڙي کي نَو ورهيهه وهامي ويا
جيئي سنڌ قومي محاذ جي چيئرمين بشير خان قريشيءَ جي وڇوڙي کي نَو ورهيهه وهامي ويا، سندس اڄ نائين ورسي...
