ملڪ ۾ ڪورونا وائرس سبب وڌيڪ چاليهه ڄڻا فوت ٿي ويا

ملڪ ۾ ڪورونا وائرس سبب وڌيڪ چاليهه ڄڻا فوت ٿي ويا، جنهن بعد فوتين جو انگ ست هزار 843 ٿي ويو، جڏهن ته ٽي هزار 306 نوان ڪيس ظاهر ٿيڻ بعد 3 لک 86 هزار 198 وائرس متاثر ٿي ويا. نيشنل ڪمانڊ اينڊ آپريشن سينٽر  طرفان جاري ڪيل انگ اکرن موجب 24 ڪلاڪن ۾ ٽي هزار 306 نوان ڪيس رپورٽ ٿيا آهن. انگ اکرن موجب، ڪورونا وائرس سبب وڌيڪ 40 ڄڻا حياتيون وڃائي ويٺا، جنهن بعد فوتين جو انگ ست هزار 8 سئو 43 ٿي ويو آهي. اين سي او سي موجب ٽي هزار 306 نوان ڪيس ظاهر ٿيڻ بعد 3 لک 86 هزار 198 کان وڌيڪ وائرس متاثر ٿي ويا. اين سي او سي جي رپورٽ موجب، 3 لک 34 هزار 392 کان وڌيڪ مريض صحتياب ٿي چڪا آهن جڏهن ته 43 هزار 963 ايڪٽو ڪيس رهجي ويا آهن. اين سي او سي چوڻ هو ته پنجاب ۾ هڪ لک 16 هزار 506، سنڌ ۾ هڪ لک 67 هزار 381، ڪي پي ۾ 45 هزار 828، بلوچستان ۾ 16 هزار 942، اسلام آباد ۾ 28 هزار 555، آزاد ڪشمير ۾ ڇهه هزار 403 ۽ گلگت بلتستان ۾ چار هزار 583 ڄڻا ڪورونا وائرس ۾ مبتلا ٿي چڪا آهن.

وڌيڪ پڙهو…