سينيٽ جي ڊپٽي چيئرمين سليم مانڊوي والا نيب ڪارروائي معاملي تي آرمي چيف جنرل قمر جاويد باجوه ۽ وزيراعظم عمران خان سان ملاقات ڪرڻ جو فيصلو ڪندي نيب عملدارن کان اثاثا ظاهر ڪرڻ ۽ اختيارين کي پارليامينٽ طلب ڪرڻ جو مطالبو ڪري ڇڏيو، سندس چوڻ آهي ته نيب بليڪ ميلنگ ڪندڙ آرگنائزيشن آهي، نيب جي سيلن ۾ بند ڪري پلي بارگين لاءِ مجبور ڪيو ويندو آهي، ماڻهو رڳو عزت بچائڻ لاءِ پلي بارگين ڪن ٿا. اسلام آباد ۾ پريس ڪانفرنس ڪندي سينيٽ جي ڊپٽي چيئرمين سليم مانڊوي والا چيو ته سينيٽ نيب جي ڌمڪي هيٺ آهي، سندن سينيٽر ۽ ايم اين ايز ٽارگيٽ ٿي رهيا آهن. هن چيو ته جيڪو به نيب خلاف ڳالهائي ٿو کيس نوٽيس ملي وڃي ٿو، نيب سبب ماڻهو سيڙپڪاري ڪرڻ لاءِ تيار نه آهن. سندس چوڻ هو ته پاڪستان جي معيشيت ڪاٽو ۾ آهي، حڪومت خاطري ڪرائي هئي ته واپارين کي سهولت ڏني ويندي. سليم مانڊوي والا چيو ته وزيراعظم نيب آرڊيننس ۾ ترميمون ڪرايون تنهن باوجود نيب پلي پارگين جي نالي رقم حاصل ڪئي، ماڻهو عزت بچائڻ لاءِ پلي بارگين ڪري رهيا آهن. هن چيو ته نيب وارا کين طلب ڪري ڪاروبار سيکارين ٿا، عرفان منگي کي نيب انجنيئرنگ لاءِ ويهاريو ويو آهي، نيب جو ٽولو جيڪو راولپنڊي ۾ ويٺو آهي هو تنهن بابت پاڻ سينيٽ ۾ جاچ ڪندو. سندس چوڻ هو ته نيب جي عملدارن کي پارليامينٽ ۾ طلب ڪيو ويندو، هو ڏسي ٿو ته ڪيئن اثاثا ظاهر نه ٿا ڪيا وڃن. سليم مانڊوي والا چيو ته سينيٽ ۽ قومي اسيمبلي جي ميمبرن کي نيب پاران نوٽيس جاري ڪيا پيا وڃن. هن چيو ته نيب ملڪ کي تباهه ڪري ڇڏيندي، آرمي چيف ۽ وزيراعظم کي اپيل ڪندو هو ملڪ کي بچائين.
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي، اسٽيٽ بينڪ جو چوڻ آهي ته رمضان...
