هاڻي مخالف ڌر کي نه پر عمران خان کي مخالف ڌر کان اين آر او وٺڻو پوندو, خورشيد شاهه

پ پ اڳواڻ خورشيد شاهه چيو آهي ته ڪورونا وائرس جي بهاني جلسا روڪڻ آمريت آهي، هاڻي مخالف ڌر کي نه پر عمران خان کي مخالف ڌر کان اين آر او وٺڻو پوندو. سکر جي احتساب عدالت ۾ پيش وقت ميڊيا سان ڳالهائيندي خورشيد شاهه چيو ته ملتان جلسو تحريڪ ۾ تبديل ٿي ويو آهي. هن چيو ته ڪورونا وائرس جي بهاني جلسا روڪڻ آمريت آهي، حڪومتي ٽيم ملتان جلسي کي ڪامياب ڪري ڇڏيو آهي. سندس چوڻ هو ته  خوشي آهي ته ملتان انتظاميه ڪجهه ڪلاڪن جي جلسي کي ستن ڏينهن ۾ تبديل ڪري ڇڏيو آهي. خورشيد شاهه چيو ته  عمران خان چيو هو ته مخالف ڌر جلسا ڪري هو ڪنٽينر ۽ ماني ڏيندا،  هاڻي حڪومت ڪنٽينر جلسا روڪڻ لاءِ استعمال ڪيا آهن. هن چيو ته حڪومت مخالف ڌر کان ڊنل آهي، گرفتاريون ڪري حالتون خراب ڪيون پيون وڃن، اهڙي گرفتارين ذريعي روڪي نٿو سگهجي. سندس چوڻ هو ته حڪومت  اعلان ڪيو هو ته پنجاهه لک گهر ۽ هڪ ڪروڙ نوڪريون ڏنيون وينديون پر ماڻهن کي بي گهر ڪيو ۽ بيروزگار ڪيو پيو وڃي. خورشيد شاهه چيو ته سندس خلاف پهرين ريفرنس ۾ نيب ڪجهه نه ڪري سگهي ان لاءِ ٻيو ريفرنس آندو پيو وڃي. هڪ سوال جي جواب ۾ خورشيد شاهه چيو ته حددخلين خلاف آپريشن سنڌ حڪومت نه پر عدليه جي حڪم تتي ٿي رهيو آهي.

وڌيڪ پڙهو…