مسلم ليگ ن اڳواڻ احسن اقبال چيو آهي ته نيب جي قيدي ۾ کي فزيو ٿراپي کان محروم رکيو ويو، نيب سبب سندس ٻانهن هميشه لاءِ سڌي نه سگهندي، وزيراعظم تابعدار هئڻ سان گڏ داغدار به آهي. اسلام آباد ۾ ميڊيا سان ڳالهائيندي احسن اقبال چيو ته نارووال اسپورٽس سٽي ڪيس هڪ سال کان هلي رهيو آهي، نيب ريفرنس ۾پاڻ لکيو ويو آهي ته اهڙي سهولت اڳ پاڪستان ۾ نه هئي. هن چيو ته ريفرنس ۾ ڪرپشن ۽ مالي بي ضابطگين جو ذڪر ناهي، سندس وزارت 3200 ارب رپيه پاڪستان جي ترقي ۾ خرچ ڪيا، آءِ بي، آءِ ايس آءِ ۽ ايف آءِ اي سڀ عمران خان وٽ آهن، 32 سئو ارب مان 32 رپين جي ڪرپشن به ثابت ڪئي وڃي. سندس چوڻ هو ته نيب چيئرمين خلاف ساک کي نقصان پهچائڻ جو ڪيس داخل ڪرائيندو، اداري سياستدانن جي بي عزتي ڪئي آهي. احسن اقبال چيو ته نيب چيئرمين ۽ اعليٰ آفيسرن جي اثاثن جي به جاچ ڪرڻ گهرجي. هن چيو ته نيب جي قيد ۾ کيس فزيو ٿراپي کان وانجهيل رکيو ويو، نيب سندس ٻانهن هميشه لاءِ سڌي نه ٿي سگهندي. سندس چوڻ هو ته مريم نواز چيو ته وزيراعظم تابعدار آهي، هو چوي ٿو ته تابعدار ئي نه پر داغدار به آهي. ٻئي طرف اسلام آباد جي احتساب عدالت نارووال اسپورٽس سٽي ڪيس ۾ احسن اقبال تي فرد جرم جي ڪارروائي 22 ڊسمبر تائين ملتوي ڪري ڇڏي. عدالت ڌرين کي 22 ڊسمبر تي ٻيهر پيش ٿيڻ جي هدايت ڪندي ٻڌڻي ملتوي ڪري ڇڏي.
وڌيڪ پڙهو
