سراج قاسم تيلي جو مڙهه دبئي کان ڪراچيءَ جناح انٽرنيشنل ڪارگو پهچايو ويو جتي سندس وارثن لاش وصول ڪيو. ملڪ جي مشهور واپاري ۽ ڪراچي چيمبر آف ڪامرس جي اڳوڻي صدر سراج قاسم تيلي جو مڙهه ايئرپورٽ کان سندس رهائشگاهه منتقل ڪيو ويو. سراج قاسم تيلي جي جنازي نماز صبح ڏهين وڳي خيابان راحت مسجد ويجهو گرائونڊ ۾ ادا ڪئي ويندي. جنازي نماز ۾ شرڪت ڪندڙن کي ايس او پيز جو خيال رکڻ جي هدايت ڪئي وئي. ذريعن موجب، جنازي نماز ۾ شرڪت ڪندڙن کي کي ماسڪ ۽ سينيٽائرزر گڏ کڻي اچڻ جي به هدايت ڪئي وئي آهي. ملڪ جو مشهور واپاري ۽ ڪراچي چيمبر آف ڪامرس جو اڳوڻو صدر سراج قاسم تيلي دبئي ۾ لاڏاڻو ڪري ويو. سراج قاسم تيلي کي نمونيا ٿي هئي ۽ ڪجهه ڏينهن کان دبئي جي اسپتال ۾ داخل هو، جتي هو فوت ٿي ويو هو.
حڪومت جي نااهلي ۽ غفلت سبب ملڪ ۾ وڏو بحران آهي، احسن اقبال
مسلم ليگ ن جي سينئر اڳواڻ احسن اقبال چيو آهي ته حڪومت جي نااهلي ۽ غفلت سبب ملڪ ۾ وڏو...
