اسرائيل ۽ ڀارت جي لابي نواز شريف کي قابو ڪيو، نون ليگ ۽ پ پ ۾ اختلاف نظر اچن پيا، فواد

سائنس ۽ ٽيڪنالاجي واري وزير فواد چوڌري چيو آهي ته اسرائيل ۽ ڀارت جي لابي نواز شريف کي قابو ڪيو، نون ليگ ۽ پ پ ۾ اختلاف نظر اچن پيا. اسلام آباد ۾ پريس ڪانفرنس ڪندي فواد چوڌري چيو ته پيپلزپارٽي رڳو سنڌ تائين محدود ٿي وئي آهي، وفاق جي نعري کان پري ٿيندي وڃي پئي، ٽي خاندان پنهنجي سياست پنهنجي ميراث ۾ منتقل ڪرڻ چاهين ٿا، پاڪستان اقتدار جو مزو ماڻڻ جو مرڪز بڻيل آهي. هن چيو ته مريم نواز هڪ ڏينهن به ڪم ڪرڻ کانسواءِ وزيراعظم بڻجڻ چاهي پئي، هڪ ڏينهن به رڌڻو ناهي هلايو ڇو ته هوءَ والد سان گڏ رهٿندي هئي، مفتاح اسماعيل گارڊ جيان سندس پٺيان بيٺل هوندو آهي ، شاهد خاقان عباسي هٿ ٻڌي بيٺل هوندو آهي. فواد چوڌري چيو ته ابوءُ چيو ته هو ٻاهر ويهي پيزا کائي پيو، اوهان ملڪ سنڀاليو، مرام نواز ابو جي ڦريل دولت تي عيش جي زندگي گذاري رهي آهي، وزيراعظم جو عهدو انٽرن شپ آهي جو ٻارن کي ڏني وڃي، مخالف ڌر کي سنجيدا ليڊر شپ کي اڳتي آڻڻ گهرجي. سندس چوڻ هو ته مريم نواز چوي پئي ته پيپلزپارٽي زنده آباد، هاڻ کين سمجهه ۾ نه پئي اچي ته جيالو ڪير ۽ تپيدار ڪير آهي، مريم نواز پنهنجن ڪارڪنن کي به مونجهاري جو شڪار ڪري ڇڏيو آهي. ٽيڪنالاجي واري وزير فواد چوڌري چيو ته عمران خان سڀ کان وڌيڪ ووٽ کڻي اقتدار ۾ آيو، سندس قد جيترو ملڪ ۾ ڪو ليڊر نه آهي.

وڌيڪ پڙهو…